قۇتتىقتايمىز
كەزىندە گازەتىمىزدە شيرەك عاسىردان استام ساليقالى قىزمەت اتقارعان ارداگەر جۋرناليست عالىم تىنىباەۆ 80 جاستىڭ سەڭگىر بيىگىنە كوتەرىلىپ وتىر. تاعدىر عيبراتتارى ەرەكشە, كەيىنگى جاستارعا ءتالىم-تاربيەسى مەن ونەگە-ورنەگى مول, ءاردايىم اقجارقىن قالپىنان اينىمايتىن اسىل اعانى مەرەيجاسىمەن قۇتتىقتاي وتىرىپ, ۇزاق ءومىر, باياندى باقىت, مىقتى دەنساۋلىق تىلەپ, قىزىق-قۋانىشپەن جاساي بەرىڭىز دەمەكپىز.
عالاقا, الاپالى التىن ادام,
تۇسىرمەس نار مىنەزدىڭ نارقىن ءامان,
كەزىندە «سوتسياليستىك قازاقستان»
سىربازدار باعاەۆتاي جارقىراعان.
جاس شاقتا شىڭجاڭدا دا شىڭدالدىڭىز,
قاشعار مەن ۇرىمجىدە جۇلدە الدىڭىز.
ءزاۋزاتى شوقاتاي مەن تىنىبايدىڭ –
ورالىپ اتاجۇرتقا ۇلگى الدىڭىز.
قىتايشا تىلگە جۇيرىك, ۇيعىرشا دا,
سايرايتىن قاجەت بولسا بۇلبۇلشا دا,
جۇرەگى ءان مەن كۇيگە بۇلكىلدەگەن,
بۇيىرعان عالاقاڭا ءدۇلدۇل سانا.
ەلەمەي ەلدىڭ سىپسىڭ وسەگىن دە,
اتپايتىن ەشكىمگە تاس, كەسەگىن دە,
ۇنەمى ادال ءجۇرىپ, اق سويلەيتىن,
عالاقاڭ بەكزاتتاردىڭ ەسەبىندە!
كوركى بار كوڭىلىڭنىڭ پاتشادايىن,
اتالى قاسيەتتەي اق سامايىڭ,
جان اعا جاساسىن دەپ قۋانامىز,
جان نۇرىن جارقىلداتىپ توكسە ءدايىم!
ەگەمەنقازاقستاندىقتار.
