21 شىلدەدەگى جاعدايعا سايكەس اباي وبلىسىنداعى بەنزين قورى كەلەسىدەي. ايتالىق, اي-92 بەنزينى مۇناي بازالارىندا 7,16 مىڭ توننا جانە 5,6 مىڭ تونناسى جولدا كەلە جاتىر (جولدى ەسەپكە العاندا 16 كۇنگە جەتكىلىكتى). اي-95 بەنزينى 0,77 مىڭ توننا جانە جولداعىسى 1,82 مىڭ توننا (جولدى ەسەپكە العاندا 16 كۇنگە جەتكىلىكتى). ديزەل وتىنى 15,08 مىڭ توننا جانە جولدا كەلە جاتقانى 1,91 مىڭ توننا (جولدى ەسەپكە العاندا 16 كۇنگە جەتكىلىكتى).
قازىر مۇناي وڭدەۋ زاۋىتىنان اي-92 مەن اي-95 بەنزينىن وڭىرلەرگە قاراي جونەلتۋ جۇمىستارى كۇشەيتىلدى.
الاكولدەگى جاعدايعا توقتالساق, قابانباي اۋىلىنداعى ەكى جەكەمەنشىك جاعارماي قۇيۋ ستانساسىنا Petro retail جشس (QazaqOil جقس جەلىسى) 60 تونناداي سۇيىق وتىندى ءبولىپ بەردى. اقسۋات اۋدانىنداعى 4 جەكەمەنشىك جقس-دا قاجەتتى جاعارماي كولەمى بەرىلدى.
اياگوزگە «قازمۇنايگاز» «پەتروكازاحستان ويل پروداكتس» كاسىپورنىنان 625 توننا بەنزيندى جەتكىزۋ جوسپارلانىپ وتىر. سونداي-اق Petro retail جشس جەدەل تارتىپتە اقسۋات اۋدانىنىڭ 4 جقس-نا جاعارمايدى ساتا باستادى. وسىعان دەيىن اتالعان 4 جقس سۇيىق وتىندى «پارناس» جشس-نان ساتىپ الىپ كەلگەن. الايدا بۇل كومپانيامەن بايلانىسقا شىعۋ قيىنداعاندىقتان جاعارماي ستانسالارىن ەنەرگيا تاسىعىشتارمەن قامتۋعا بايلانىستى پروبلەمالار تۋىنداسا كەرەك.
وسىنداي جاعدايلارعا تاپ بولماس ءۇشىن اتالعان جاعارماي ستانسالارىنىڭ يەلەرىنە بيرجادا تىركەلىپ, سۇيىق وتىننىڭ ساۋداسىنا قاتىسۋعا كەڭەس بەرىلدى. بۇل ءوز كەزەگىندە قاجەتتى رەسۋرستى تىكەلەي وندىرۋشىلەردەن الۋعا جول اشادى. اتالعان ماسەلەنى ءوڭىر باسشىسى نۇرلان ۇرانحاەۆ تىكەلەي باقىلاۋىندا ۇستاپ وتىرعانىن جەتكىزدى.
اباي وبلىسى
