مەكەمە باسشىسى اعىلشىن ءتىلى ءپانى مۇعالىمىنەن 200 مىڭ تەڭگە پارا العان.
سوت ۇكىمىمەن مەكتەپ ديرەكتورى - «ا» ەسىمدى ازاماتشا قر قىلمىستىق كودەكسىنىڭ 366-بابى 2- بولىگىمەن كىنالى دەپ تانىلدى. سوتتالۋشى ءوز كىناسىن تولىق مويىنداپ, قامقورلىعىندا كامەلەتكە تولماعان ەكى بالاسى بارىن ەسكەرىپ, وعان ايىپپۇل تۇرىندە جازا تاعايىنداۋدى سۇرادى.
«سوت ۇكىمىمەن وعان مەملەكەتتىك قىزمەتتە, سۋديا قىزمەتىن, جەرگىلىكتى ءوزىن-ءوزى باسقارۋ ورگاندارىندا, قازاقستان رەسپۋبليكاسىنىڭ ۇلتتىق بانكىندە جانە ونىڭ ۆەدومستۆولارىندا, قارجى نارىعى مەن قارجى ۇيىمدارىن رەتتەۋ, باقىلاۋ جانە قاداعالاۋ جونىندەگى ۋاكىلەتتى ورگاندا, مەملەكەتتىك ۇيىمداردا جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋعا ءومىر بويىنا تىيىم سالىندى.
سونداي-اق پارانىڭ وتىز ەسەلەنگەن سومماسى مولشەرىندە, ياعني 6 ملن تەڭگە كولەمىندە ايىپپۇل سالۋ جازاسى تاعايىندالدى. ۇكىم زاڭدى كۇشىنە ەنگەن جوق», دەلىنگەن تۇركىستان وبلىستىق سوتىنىڭ ءباسپاسوز قىزمەتى تاراتقان حابارلامادا.
