اباي اۋدانىنداعى شاۋميانا كوشەسى بويىندا ورنالاسقان جالپى كولەمى 81 شارشى مەتر ءۇيدىڭ شاتىرى تولىعىمەن جانىپ كەتكەن. سونداي-اق كولەمى 36 شارشى مەتر بولاتىن ەكى بولمە مەن ءۇي زاتتارى وتقا ورانعان. وقيعا ورنىندا شىمكەنت قالاسى توتەنشە جاعدايلار دەپارتامەنتى ءورت ءسوندىرۋ قىزمەتىنىڭ 14 قىزمەتكەرى مەن 3 تەحنيكاسى, اپاتتار مەديتسيناسى بريگاداسى جۇمىلدىرىلدى.
«اۋماعى 12 شارشى مەتر قوناق بولمەسىنىڭ لاي مەن قامىستان جاسالعان توبە جاپپاسى قۇلادى. ءتىلسىز جاۋ ساعات 00:44-دە وقشاۋلانىپ, 01:10 شاماسىندا تولىعىمەن ءسوندىرىلدى. ءۇيدىڭ ىشىنەن 1951 جىلعى ەر كىسىنىڭ دەنەسى تابىلدى. ءورتتىڭ شىعۋ سەبەپتەرى انىقتالىپ جاتىر», دەلىنگەن تۇركىستان وبلىسى تجد قوعاممەن بايلانىس توبى تاراتقان حابارلامادا.
