«كەشكى التىدان سوڭ تاماقتانباۋ كەرەك دەگەندى تەك ارتىق سالماعى بار كىسىلەر ءۇشىن عانا قولدانۋعا بولادى. ال, باسقا قىزمەتتەگى, اسىرەسە, اۋىسىممەن كەشكى 6-دا جۇمىستا بولاتىن كەيبىر ماماندىق يەلەرىنە تىيىم سالا المايمىز. سونداي-اق, كوپتەگەن كەڭسە قىزمەتكەرلەرىنىڭ جۇمىس كەستەسى كەشكى 6-دا اياقتالاتىندىقتان, كەشكى استى دايىنداپ تاماقتانامىن دەگەنشە كەشكى ساعات 8 بولۋى مۇمكىن.
كۇنى بويىنا جۇمساعان ەنەرگيا شىعىنىنىڭ ورنىن كەشكى اسپەن ءتيىمدى تولتىرۋ قاجەت. كەشكى استىڭ جەڭىل ءسىڭىمدى, ءسۇت, جارما مەن كوكونىستەردىڭ اسىلعان, بۇقتىرىلعان تۇرلەرىن تۇتىنعان دۇرىس. اۋىر قورىتىلاتىن مايلى, قۋىرىلعان تاعامدار بولعان جاعدايدا سىڭىمدىلىگىن جىلدامداتاتىن كوكونىس سالاتتارىمەن بىرگە, ەت تاعامدارىن اشىعان ءسۇت ونىمدەرىمەن ۇيلەستىرە, زات الماسۋدى جاقسارتاتىن كوكونىس شىرىنى مەن كوك ءشاي قولدانسا استىڭ قورىتىلۋى جىلدامدايدى», دەيدى تورەگەلدى شارمانوۆ.
ونىڭ ايتۋىنشا, بۇگىنگى كۇنى قوزعالىسى از, دۇرىس تاماقتانبايتىن جاستار, سونداي-اق, جاسى ۇلعايعان ادامدار اراسىندا ءىشتىڭ قاتۋى كوپ كەزدەسەدى.
ء«ىشتىڭ قاتۋى ىشەكتەگى اشۋ, بوجۋ ۇردىستەرىن بۇزىپ, ۇلكەن دارەتتىڭ ىركىلۋىنە, ىشەكتەگى ىركىلگەن قالدىق زاتتار ۋىتتى قاسيەتكە يە بولىپ, اعزانىڭ ۋىتتانۋىنا اكەلۋى مۇمكىن. ول ءوت جولى قابىنۋ اۋرۋلارىنان باسقا, بىردەن-ءبىر تاماقتاعى تاعامدىق تالشىعى مول كوكونىس تاعامدارى, سالاتتار مەن كەيبىر جەمىستەردىڭ, اشىتىلعان ءسۇت ونىمدەرىنىڭ از تۇسۋىنەن, قۇرعاق فاست-فۋد تاعامدارىن ءجيى قولدانۋدان, تاۋلىك بويىنا ىشىلەتىن سۇيىقتىق جانە سۋ مولشەرىنىڭ 1,5-2 ليتردەن كەم تۇسۋىنەن بولادى. ءۇي جاعدايىندا كۇنىنە 2-3 رەت 50 گرامم شيكى قىزىلشا, ءسابىز, المانى ۇككىشتەن وتكىزىپ, وسىمدىك مايىمەن سالات تۇرىندە نە شىرىنىن سىعىپ ىشۋگە بولادى. ەرتەڭگىلىك اسقا سۇيىق س ۇلىدان جاسالعان ءسۇت كوجەسىن, تۇسكە كوكونىس سورپاسى نە كوجەسىن قارا نانمەن, بەسىندىك اسقا يوگۋرت, كەشكە وسىمدىك مايى قاتىلعان شيكى كوكونىستەر سالاتىمەن بۋعا پىسىرىلگەن تاعامدار, جاتاردا 1 كەسە ايران قولدانىلىپ وتىرسا, ىشەكتىڭ جيىرىلعىشتىق قىزمەتى جاقسارادى», دەيدى ت.شارمانوۆ.
