22 مامىر, 2010

اۋە تولقىنىندا – ماڭعىستاۋ راديوسى

903 رەت
كورسەتىلدى
1 مين
وقۋ ءۇشىن
– ۇلى جەڭىستىڭ 65 جىل­دىعى قۇرمەتىنە ەفير ارقىلى قازاق جانە ورىس تىلدەرىندە ارناۋلى رەپورتاجداردى سىناق­تان ءساتتى وتكىزگەن “ماڭ­عىس­تاۋ” راديوسى اۋە تولقىنىنا شىقتى. اراعا التى جىل سالىپ اۋىل­دارداعى تىڭدارمانداردىڭ تالاپ-تىلەكتەرىنە وراي ومىرگە كەلگەن يگى شارا وبلىس اكىمى ق.كوشەرباەۆتىڭ تاپسىرماسى مەن كومەگى ارقىلى جۇزەگە استى, – دەدى “قازاقستان-اقتاۋ” تە­لە­ارناسىنىڭ ديرەكتورى تالعات تايشانوۆ. ءسويتىپ, “ماڭعىستاۋ راديو­سى”  قازاق راديو­سى­نىڭ FM 100,1 تولقىنى ارقىلى اپتانىڭ دۇيسەنبى مەن جۇما ارالىعىندا ساعات 15.00-دەن 17.00-گە دەيىن حابار تاراتا باستادى. ازىرگە اقتاۋدان 100 شاقىرىم جەرگە دەيىن جەتەتىن وبلىستىڭ راديو حابارلارىنىڭ ءورىسىن كەڭەيتۋ الداعى كۇندەردىڭ ەنشىسىندەگى ماڭىزدى ماسەلە بولماقشى. جولامان بوشالاق, اقتاۋ.
سوڭعى جاڭالىقتار