قور باسشىسى ياسير ءال-رۋمايان ەكونوميكانىڭ ءارتۇرلى سالالارىندا جۇزەگە اسىرىلىپ جاتقان جوبالار تۋرالى ايتتى.
قاسىم-جومارت توقاەۆ قازاقستاننىڭ ءارتۇرلى سالالار بويىنشا ءوزارا ءتيىمدى ىنتىماقتاستىقتى جۇزەگە اسىرۋعا نيەتتى ەكەنىن اتاپ ءوتىپ, ءوزارا ورتاق مۇددەنى كوزدەيتىن جوبالاردى جۇزەگە اسىرۋ ءۇشىن ساۋديا ارابياسى ينۆەستيتسيالىق قورى مەن «سامۇرىق-قازىنا» اق جانە «ۇبح «بايتەرەك» كومپانيالارى اراسىنداعى تىعىز ىقپالداستىقتى جولعا قويۋدى ۇسىندى.
قور ساۋديانىڭ باسقا دا كومپانيالارى سياقتى مۇناي-حيميا ونەركاسىبىندەگى, جاسىل ەنەرگەتيكانى دامىتۋ سالاسىنداعى, مەتاللۋرگيا جانە تاۋ-كەن سەكتورلارىنداعى, سونداي-اق اۋىل شارۋاشىلىعىن تەرەڭ وڭدەۋ جونىندەگى ءىرى ينۆەستيتسيالىق جوبالارعا قاتىسۋعا شاقىرىلدى.
ساۋد ارابياسى كورولدىگىنىڭ مەملەكەتتىك ينۆەستيتسيالىق قورى – «Public Investment Fund» 1971 جىلى قۇرىلدى. قور كورولدىكتىڭ جانە ايماقتىڭ ونەركاسىپ پەن ينفراقۇرىلىم سالالارىنداعى مەملەكەتتىك جانە كۆازيمەملەكەتتىك ۇزاق مەرزىمدى جوبالارىن باستى قارجىلاندىرۋ كوزى.
بۇل – جيىنتىق اكتيۆتەرى 620 ميلليارد دوللار بولاتىن الەمدەگى ءىرى دەربەس قورلاردىڭ ءبىرى. PIF قورىندا ەلدىڭ قۇندى اكتيۆتەرى, ونىڭ ىشىندە «Saudi Aramco» ءىرى مۇناي كومپانياسىنىڭ اكتيۆتەرى دە ورنالاسقان.
ديرەكتورلار كەڭەسىنىڭ توراعاسى – ساۋد ارابياسى كورولدىگىنىڭ تاق مۇراگەرى – مۇحاممەد بەن سالمان. باسقارۋشى – ياسير وسمان ءال-رۋمايان.
قور ۇلتتىق جانە حالىقارالىق دارەجەدەگى ۇزاق مەرزىمدى جوبالارعا ينۆەستيتسيا قۇيۋ ەسەبىنەن الەمدىك دەڭگەيدەگى ارتاراپتاندىرىلعان پورتفەل قالىپتاستىرادى.
قىزمەتتىڭ نەگىزگى باعىتتارى: ونەركاسىپ, ينفراقۇرىلىم, حالىقارالىق بيزنەس, ەكسپورتى قولداۋ, قورشاعان ورتاعا الەۋمەتتىك قولداۋ كورسەتۋ جانە ونى قورعاۋ, تەلەكوممۋنيكاتسيالار, اەروعارىش ونەركاسىبى, ەنەرگەتيكا, جاسىل تەحنولوگيالار.
پاندەميا كەزىندە قور 8,7 ميلليارد دوللارعا جۋىق الەمدىك ءىرى كومپانيالاردىڭ اكتسيالارىن ساتىپ الدى (Boeing, Facebook, Disney, Marriott ي Starbucks). سونداي-اق قور اقش-تىڭ ءىرى Citigroup جانە Bank of America بانكتەرىنە ينۆەستيتسيا قۇيدى. سونىمەن قاتار BP, Total, Royal Dutch Shell, Eni ي Equinor ASA سياقتى مۇناي الپاۋىتتارىنىڭ اكتسيالارىن ساتىپ الدى.
