«2023 جىلعى 1 قاڭتاردان باستاپ مەملەكەتتىك ورگاندار مەن اكىمدىكتەر قىزمەتىندە «ەلەكتروندى ۇكىمەتتىڭ» بىرىڭعاي پلاتفورماسى ەنگىزىلەدى. بىرىڭعاي پلاتفورما بەيبەرەكەتتىككە جول بەرمەيدى. قازىر كەي ازاماتتار مەملەكەتتىك قىزمەتتەردى سمارتفون ارقىلى الۋ مۇمكىندىگىن تالاپ ەتىپ جاتىر. وسى ورايدا بيىل 15 شىلدە كۇنى مەملەكەت باسشىسى قول قويعان تسيفرلاندىرۋ تۋرالى جاڭا زاڭعا سايكەس EgovMobile ءموبيلدى قوسىمشاسىنىڭ قولدانۋ اياسى كەڭەيتىلدى», دەدى قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى تسيفرلىق ترانسفورماتسيالاۋ دەپارتامەنتىنىڭ ديرەكتورى نازگۇل باجاەۆا AMANAT پارتياسى الاڭىندا وتكەن ءباسپاسوز ءماسليحاتىندا.
ونىڭ ايتۋىنشا, اتالعان ءموبيلدى قوسىمشا ارقىلى 19 قۇجاتتى الۋعا بولادى.
«سونىمەن قاتار جاڭا زاڭعا سايكەس مەملەكەتتىك تىركەۋ كۋالىكتەرىن بەرۋ ءتارتىبى دە وزگەرەدى. ەندىگى ۋاقىتتا تۋ, نەكە, اجىراسۋ جانە قايتىس بولعاننان كەيىن بەرىلەتىن كۋالىكتەر ازاماتتىڭ egov-تاعى جەكە كابينەتىنە جىبەرىلەدى. ال كۋالىكتەردىڭ قاعاز نۇسقاسىن العىسى كەلگەن ازامات ءوتىنىش جازۋى ءتيىس», دەيدى ول.
