قوعام • 22 شىلدە، 2022

قازاقستاندىقتار جەكە كۋالىكتىڭ ەلەكتروندىق نۇسقاسىن بارلىق جەردە قولدانا الادى

11342 رەت كورسەتىلدى

بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تسيفرلىق ترانسفورماتسيالاۋ دەپارتامەنتىنىڭ ديرەكتورى نازگۇل باجاەۆا ايتتى، دەپ حابارلايدى Egemen.kz.

«بيىل 15 شىلدەدە مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە يننوۆاتسيالاردى ىنتالاندىرۋ، تسيفرلاندىرۋدى دامىتۋ، اقپاراتتىق قاۋىپسىزدىك جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويدى. اتالعان زاڭ اياسىندا تسيفرلىق قۇجاتتاردى قولدانۋ ىسكە قوسىلدى. ونىڭ قاتارىندا ازاماتتاردىڭ جەكە كۋالىگى دە بار. ياعني ءسىز EGovMobile موبيلدىك قوسىمشاسى ارقىلى جەكە كۋالىگىڭىزدىڭ ەلەكتروندى نۇسقاسىن جۇكتەپ الاسىز. ودان ءارى QR كود ارقىلى جەكە باسىڭىزدى راستاي الاسىز»، دەدى نازگۇل باجاەۆا «AMANAT» پارتياسى الاڭىندا وتكەن ءباسپاسوز ءماسليحاتىندا.

ونىڭ ايتۋىنشا، بۇگىندە QR كود ارقىلى جەكە كۋالىكتى راستاۋ جۇمىس ىستەپ تۇر. ياعني قازاقستاندىقتار ەندىگى ۋاقىتتا جەكە كۋالىكتىڭ ەلەكتروندى نۇسقاسىن قولدانا الادى.

«بۇعان دەيىن جەكە كۋالىكتىڭ ەلەكتروندىق نۇسقاسى تەك مەملەكەتتىك قىزمەت العان كەزدە حالىققا قىزمەت كورسەتۋ ورتالىقتارىندا عانا قولدانىلعان ەدى. جاڭا زاڭعا سايكەس ەندى بارلىق جەردە جەكە كۋالىكتى QR كود ارقىلى كورسەتسە جاراپ جاتىر»، دەيدى ول.

 

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار