«KAZAKH INVEST» ءباسپاسوز قىزمەتىنىڭ مالىمەتىنە سۇيەنسەك, بۇل ەۋرازيا ايماعىنداعى قازىرگى گەوساياسي جاعدايمەن بايلانىستى.
قونىس اۋدارماق بولىپ وتىرعانداردىڭ ءبىرى – امەريكاندىق Honeywell كورپوراتسياسى. كومپانيا الەمنىڭ جەتەكشى كومپانيالارىنىڭ Fortune 100 تىزىمىنە ەنگىزىلگەن, 70 ەلدە كەڭسەلەرى بار جانە دۇنيە جۇزىندە 110 000-نان استام قىزمەتكەرى بار.
ء«بىز Honeywell كومپانياسىنىڭ قازاقستاننىڭ مۇناي-گاز سەكتورىن دامىتۋعا قوسقان ۇلەسىن جوعارى باعالايمىز. 1998 جىلدان بەرى كومپانيا مۇناي ءوندىرۋ جانە وڭدەۋ بويىنشا بىرقاتار جوبالاردا اۆتوماتتاندىرۋ جانە جاساندى ينتەللەكت سالاسىنداعى ءبىزدىڭ جاقىن سەرىكتەسىمىز بولىپ تابىلادى. كومپانيا ۇزاق ۋاقىت بويى قازاقستاندا لوكاليزاتسيا باستامالارىن ىسكە قوسۋعا بەت بۇردى. قازىرگى گەوساياسي جاعدايدى ەسكەرە وتىرىپ, كومپانيا قازاقستان رەسپۋبليكاسىندا ايماقتىق وكىلدىگىن اشۋ مۇمكىندىگىن قاراستىرۋدا. قانداي دا ءبىر سەبەپتەرمەن رەسەيلىك نارىقتى تاستاپ كەتكەن شەتەلدىك كومپانيالار ەۋرازيا كەڭىستىگىندە ىقپالىن ساقتاپ قالعىسى كەلەتىنىن مالىمدەيدى. قالاي بولعاندا دا, ۇلكەن ويىنشىلار ءبىر جەرگە نەگىزدەلۋى كەرەك. قازىرگى كەزدە 265 كومپانيانى ءبىز باقىلاپ جاتىرمىز», دەدى الماس ايداروۆ.
