كەزدەسۋگە قىرعىزستان پرەزيدەنتى – سادىر جاپاروۆ, قازاقستان پرەزيدەنتى – قاسىم-جومارت توقاەۆ, تاجىكستان پرەزيدەنتى – ەمومالي راحمون, تۇرىكمەنستان پرەزيدەنتى – سەردار بەردىمۇحامەدوۆ, وزبەكستان پرەزيدەنتى – شاۆكات ميرزيوەۆ قاتىستى.
«ەل باسشىلارى ايماقتىق قاۋىپسىزدىككە بىرلەسىپ جاۋاپ بەرۋدە ورتالىق ازيا مەملەكەتتەرىنىڭ ءوزارا ءىس-قيمىلىن نىعايتۋ ماسەلەلەرى بويىنشا پىكىر الماستى. ايماق مەملەكەتتەرىنىڭ تۇراقتى ەكونوميكالىق ءوسۋىن قامتاماسىز ەتۋ ماقساتىندا ىنتىماقتاستىقتى كەڭەيتۋ پەرسپەكتيۆالارىن تالقىلادى. سونداي-اق ورتالىق ازيا مەملەكەتتەرى اراسىنداعى مادەني-گۋمانيتارلىق ءوزارا ءىس-قيمىلدى ودان ءارى نىعايتۋ ماسەلەلەرى ءسوز بولدى», دەدى ازىمباقيەۆ.
ورتالىق ازيا مەملەكەتتەرى باسشىلارىنىڭ كەزەكتى كونسۋلتاتيۆتىك كەزدەسۋى اياسىندا ايماق ەلدەرى اراسىنداعى دوستىق, تاتۋ كورشىلىك پەن ىنتىماقتاستىقتى نىعايتۋعا باعىتتالعان قۇجاتتارعا قول قويىلدى.
