«عىلىم مەن ءبىلىم سالاسىنداعى ىنتىماقتاستىقتى كەڭەيتۋ - وزەكتى مىندەت. بۇل ءۇشىن بىلتىر قول قويىلعان جوعارى ءبىلىمنىڭ بىرىڭعاي ورتالىق ازيا كەڭىستىگىن قۇرۋ تۋرالى دەكلاراتسيا نەگىز بولادى. وسى باستاما شەڭبەرىندە قازاقستان ارىپتەستەردىڭ جوعارى وقۋ ورىندارى اراسىنداعى الماسۋلاردى كەڭەيتۋ جونىندەگى ۇسىنىستارىن قولداپ, ورتالىق ازيا ەلدەرىنىڭ جاستارىن وقىتۋ ءۇشىن كۆوتالاردىڭ سانىن ۇلعايتتى», دەلىنگەن پرەزيدەنت بايانداماسىندا.
سونداي-اق مەملەكەت باسشىسى قازاقستاندا جەتەكشى جوعارى وقۋ ورىندارىنىڭ فيليالدارى اشىلاتىنىن جەتكىزدى.
ء«بىز ءوڭىر مەملەكەتتەرىندەگى جەتەكشى جوعارى وقۋ ورىندارى مەن وزىق مەكتەپتەردىڭ فيليالدارىن قۇرۋعا دايىنبىز. ماسەلەن, جاقىندا بىشكەكتە ءال-فارابي اتىنداعى قازاق ۇلتتىق ۋنيۆەرسيتەتىنىڭ فيليالى اشىلدى. قازىر وزبەكستانمەن ءوزارا نەگىزدە ءبىلىم بەرۋ ورتالىقتارىن اشۋ پىسىقتالۋدا», دەپ قوستى قاسىم-جومارت كەمەل ۇلى.
