قازاقستان رەسپۋبليكاسى ۇكىمەتىنىڭ قاۋلىسى № 133

2014 جىلعى 24 اقپان, استانا, ۇكىمەت ءۇيى كوشى-قون كارتوچكاسىن بەرۋ قاعيدالارىن بەكىتۋ جانە «كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىنا وزگەرىستەر ەنگىزۋ تۋرالى «شەتەلدىكتەردىڭ قۇقىقتىق جاعدايى تۋرالى» 1995 جىلعى 19 ماۋسىمداعى قازاقستان رەسپۋبليكاسى زاڭىنىڭ 22-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان كوشى-قون كارتوچكاسىن بەرۋ قاعيدالارى بەكىتىلسىن. 2. «كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىنا مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىندا: 8-تارماق الىنىپ تاستالسىن; 9-تارماقتىڭ ءبىرىنشى بولىگى مىناداي رەداكتسيادا جازىلسىن: «قازاقستان رەسپۋبليكاسىندا ۋاقىتشا بولاتىن كوشىپ كەلۋشىلەر قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەننەن كەيىن كۇنتىزبەلىك بەس كۇن ىشىندە ءوزىنىڭ تۇراقتى نەمەسە ۋاقىتشا تۇراتىن جەرى بويىنشا تىركەلەدى. كوشىپ كەلۋشىلەردى تىركەۋ جەكە باستى كۋالاندىراتىن قۇجاتتار بويىنشا جۇزەگە اسىرىلادى.». 3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س. احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 24 اقپانداعى №133 قاۋلىسىمەن بەكىتىلگەن كوشى-قون كارتوچكاسىن بەرۋ قاعيدالارى 1. جالپى ەرەجەلەر 1. وسى كوشى-قون كارتوچكاسىن بەرۋ قاعيدالارى (بۇدان ءارى – قاعيدالار) «شەتەلدىكتەردىڭ قۇقىقتىق جاعدايى تۋرالى» 1995 جىلعى 19 ماۋسىمداعى قازاقستان رەسپۋبليكاسى زاڭىنىڭ 22-بابىنا سايكەس ازىرلەندى جانە قازاقستان رەسپۋبليكاسىنا كەلگەن كەزدە شەتەلدىكتەرگە كوشى-قون كارتوچكالارىن بەرۋ ءتارتىبىن ايقىندايدى. 2. قازاقستان رەسپۋبليكاسىنا كەلگەن كەزدە 16 جاسقا تولعان شەتەلدىككە كوشى-قون كارتوچكاسى بەرىلەدى. مىناداي: 1) قازاقستان رەسپۋبليكاسىنىڭ ديپلوماتتىق, قىزمەتتىك جانە ينۆەستورلىق ۆيزالارى بار ادامدارعا, سونداي-اق ديپلوماتتىق, قىزمەتتىك پاسپورتتارى مەن ۋاكىلەتتى ورگاننان «ينۆەستور» مارتەبەسىن راستاۋى بار ادامدارعا; 2) اۋە, تەڭىز جانە وزەن كەمەلەرىنىڭ مۇشەلەرىنە; 3) پويىز بريگادالارىنىڭ, ونىڭ ىشىندە رەفريجەراتورلىق, لوكوموتيۆتى پويىز بريگادالارىنىڭ قىزمەتكەرلەرىنە جانە تەمىرجول كولىگىمەن جول جۇرەتىن جۇكتەرگە ىلەسىپ جۇرەتىن ادامدارعا; 4) قازاقستان رەسپۋبليكاسىنىڭ اۋماعى ارقىلى ترانزيتپەن جول جۇرەتىن پويىزداردىڭ جولاۋشىلارىنا; 5) حالىقارالىق اۆتوتاسىمالدى جۇزەگە اسىراتىن اۆتوكولىك قۇرالدارىنىڭ جۇرگىزۋشىلەرىنە كوشى-قون كارتوچكالارى بەرىلمەيدى. 3. كوشى-قون كارتوچكاسى قازاقستان رەسپۋبليكاسىنا كەلەتىن شەتەلدىك تۋرالى مالىمەتتەردى قامتيدى جانە قازاقستان رەسپۋبليكاسىنىڭ اۋماعىندا ونىڭ ۋاقىتشا بولۋىن باقىلاۋعا نەگىز بولادى, ول وسى قاعيدالارعا 1-قوسىمشاعا سايكەس نىسان بويىنشا بەرىلەدى. 2. كوشى-قون كارتوچكالارىن بەرۋ ءتارتىبى 4. قازاقستان رەسپۋبليكاسىنا كەلەتىن شەتەلدىكتەر كوشى-قون كارتوچكالارىن تولتىرۋ قاجەتتىلىگى, بلانكىلەردى كەدەرگىسىز الۋ مۇمكىندىگى جانە ولاردى شەكارالىق باقىلاۋدان وتەردەن بۇرىن تولتىرۋ ءۇشىن قاجەتتى ۋاقىت تۋرالى ۋاقتىلى حاباردار ەتىلەدى. 5. كوشى-قون كارتوچكاسىنىڭ بلانكىلەرىن بەرۋدى: 1) قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە – قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ اسكەري قىزمەتشىلەرى (بۇدان ءارى – ۇقك شق) (ونىڭ ىشىندە كوشى-قون كارتوچكالارىنىڭ بلانكىلەرىن اۆتوماتتاندىرىلعان تولتىرۋ بويىنشا «بۇركىت» بىرىڭعاي اقپاراتتىق جۇيەسىنىڭ مۇمكىندىكتەرىن پايدالانا وتىرىپ); 2) شەتەلدىكتەردىڭ ۋاقىتشا نەمەسە تۇراقتى تۇراتىن جەرى بويىنشا, ونىڭ ىشىندە «بۇركىت» بىرىڭعاي اقپاراتتىق جۇيەسى ارقىلى زاڭدى جانە جەكە تۇلعالاردان ولارعا كەلگەن شەتەلدىكتەر مەن ادامدار تۋرالى اقپارات الۋ ارقىلى – ىشكى ىستەر ورگاندارى; 3) جولدا جۇرگەندە: اۋە (تەڭىز) كولىگىمەن – اۋە (تەڭىز) كەمەلەرi ەكيپاجدارىنىڭ مۇشەلەرi; تەمىرجول كولىگىمەن – پويىز بريگادالارىنىڭ مۇشەلەرى; حالىقارالىق اۆتوبۋس كولىگىمەن – حالىقارالىق اۆتوبۋس كولىگىنىڭ جۇرگىزۋشىلەرى جۇزەگە اسىرادى. قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتىنە كەلگەنگە دەيىن كوشى-قون كارتوچكاسىن شەتەلدىك ۆيزالىق-كوشى-قون پورتالى (www.vmp.gov.kz) ارقىلى ءوز بەتىنشە تولتىرا جانە باسىپ شىعارا الادى. 6. شەتەلدىكتەر كوشى-قون كارتوچكالارىن شەكارالىق باقىلاۋ باستالعانعا دەيىن وسى قاعيدالارعا 2-قوسىمشاعا سايكەس كوشى-قون كارتوچكالارىن تولتىرۋ بويىنشا جادىناماعا سايكەس تۇسىنىكتى, شيمايسىز جانە تۇزەتۋلەرسىز سيا نەمەسە شاريكتى اۆتوقالاممەن كوك نەمەسە قارا ءتۇستى پاستامەن تولتىرادى. كوشى-قون كارتوچكالارىن شەتەلدىكتىڭ پاسپورتىندا نەمەسە جەكە باسىن كۋالاندىراتىن وزگە دە قۇجاتىندا كورسەتىلگەن دەرەكتەرگە سايكەس قازاق, لاتىن ءالىپبيىنىڭ نەمەسە كيريلليتسا ارىپتەرىمەن تولتىرۋعا رۇقسات ەتىلەدى. كوشى-قون كارتوچكالارىنىڭ بلانكىلەرىن اۆتوماتتاندىرىلعان تولتىرۋ بويىنشا «بۇركىت» بىرىڭعاي اقپاراتتىق جۇيەسىنىڭ مۇمكىندىگى بولعان جاعدايدا, ولاردى تولتىرۋدى جانە بەرۋدى ۇقك شق جۇزەگە اسىرادى. كوشى-قون كارتوچكاسىندا شەتەلدىكتىڭ تەگى, اتى, بولۋ ماقساتى, قابىلدايتىن تاراپ, تىركەلگەن مەكەنجايى, 16 جاسقا تولماعان بىرگە كەلگەن بالالارىنىڭ سانى كورسەتىلىپ, قازاقستان رەسپۋبليكاسىنا كەلگەنى جانە ۋاقىتشا بولاتىن جەرى بويىنشا تىركەلگەنى تۋرالى بەلگى قويىلادى. 7. قازاقستان رەسپۋبليكاسىنا كەلگەن كەزدە ۇقك شق ۇسىنىلعان كوشى-قون كارتوچكاسىن پاسپورتتىڭ دەرەكتەرىمەن سالىستىرىپ تەكسەرەدى, كەلۋى تۋرالى بەلگى قويادى. كەلۋى تۋرالى بەلگى «كەلۋ» باعانىندا كۇندى كورسەتەتىن ءمورتاڭبا بەدەرىن قويۋ جولىمەن جۇزەگە اسىرىلادى, ودان ءارى كوشى-قون كارتوچكاسى شەتەلدىككە قايتارىلادى. 8. شەتەلدىكتەر (پەرسونال جانە تۇرعىندار) قازاقستان رەسپۋبليكاسىنان جالعا الىنعان اۋماقتان تىس اۋماققا شىققان جاعدايدا, ىشكى ىستەر ورگاندارى جەكە باسىن كۋالاندىراتىن قۇجاتتاردىڭ جانە جالعا الىنعان اۋماقتا تۇرعىلىقتى جەرى بويىنشا تىركەۋ نەگىزىندە كوشى-قون كارتوچكالارىن بەرەدى. 9. ەلدەن شىعارۋ تۋرالى شەشىم قابىلدانعان شەتەلدىكتەرگە ىشكى ىستەر ورگاندارى قازاقستان رەسپۋبليكاسىنان شىعۋ ءۇشىن مەرزىمىن كورسەتە وتىرىپ, كوشى-قون كارتوچكاسىن بەرەدى. بۇل رەتتە «كەلۋ» باعانىندا «ەلدەن شىعارۋ» دەگەن جازبا جازىلادى. 10. شەتەلدىكتىڭ قازاقستان رەسپۋبليكاسىندا تۇرۋعا ىقتيارحاتى بار, شەتەلگە تۇراقتى تۇرۋعا شىعاتىن, ۋاكىلەتتى مەملەكەتتىك ورگانعا تۇرۋعا ىقتيارحات تاپسىرعان شەتەلدىكتەر ونىڭ ورنىنا شەتەلگە ۋاقتىلى شىعۋ ءۇشىن قاجەتتى تىركەلۋ مەرزىمى بار كوشى-قون كارتوچكالارىن الادى. 11. كوشى-قون كارتوچكالارىن جوعالتقان نەمەسە ابايسىزدا ءبۇلدىرىپ العان كەزدە شەتەلدىكتەر كوشى-قون كارتوچكاسى ب ۇلىنگەن نەمەسە جوعالعان ساتتەن باستاپ 3 جۇمىس كۇنى ىشىندە بۇل تۋرالى ىشكى ىستەر ورگاندارىنا ءوتىنىش بەرەدى, ولار ءوتىنىش يەلەرىن تەكسەرگەننەن كەيىن كوشى-قون كارتوچكالارىنىڭ تەلنۇسقالارىن بەرەدى جانە تىركەلگەنى تۋرالى بەلگى قويادى. بۇل رەتتە «كەلۋ» باعانىندا ىشكى ىستەر مينيسترلىگىنىڭ اۋماقتىق كوشى-قون پوليتسياسى بولىمشەلەرىنىڭ ۆيزالىق (پاسپورتتىق) ءمورى قويىلادى. 12. قازاقستان رەسپۋبليكاسىنان شىققان كەزدە ۇقك شق ۇسىنىلعان كوشى-قون كارتوچكاسىن پاسپورتتىڭ دەرەكتەرىمەن سالىستىرىپ تەكسەرەدى, سودان كەيىن كوشى-قون كارتوچكاسىن الىپ قويادى. 13. شەكارالىق باقىلاۋدان ءوتۋ جانە قازاقستان رەسپۋبليكاسىنان شىعۋ ءۇشىن وتكىزۋ پۋنكتىنە كەلگەن كوشى-قون كارتوچكاسى جوق شەتەلدىكتەر ءوتىنىش بەرگەن كەزدە ۇقك شق «بۇركىت» بىرىڭعاي اقپاراتتىق جۇيەسى ارقىلى مەملەكەتتىك شەكارانى كەسىپ وتكەن كۇنىن بەلگىلەيدى جانە شەكارانى كەسىپ وتكەنى تۋرالى راستاۋ بولعان جانە قازاقستان رەسپۋبليكاسىندا بولۋ مەرزىمدەرى مەن ءتارتىبىن بۇزۋ فاكتىسى بولماعان جاعدايدا شەكارا ارقىلى وتكىزۋدى جۇزەگە اسىرادى. كوشى-قون كارتوچكاسىن بەرۋ قاعيدالارىنا 1-قوسىمشا نىسان الدىڭعى بەتى ليتسەۆايا ستورونا كوشى-قون كارتوچكاسى ميگراتسيوننايا كارتوچكا №___________ MIGRATIONAL CARD تەگى/فاميليا/Surname كىرۋ اتى/يميا/Given name         تىركەۋ №____ «___»_____20____ج. «___»_____20____گ. دەيىن تىركەۋ جاساعان ورگان_________________ لاۋازىمدى ادامنىڭ قولى____________ م/و ازاماتتىعى/گراجدانستۆو/Nationality كەلۋ ماقساتى/تسەل ۆەزدا/Purpose of visit قابىلدايتىن تاراپ پرينيمايۋششايا ستورونا Inviting party _________________________________________________ تىركەلگەن مەكەنجايى ______________________________ (وبلىس, قالا, اۋدان, ەلدى مەكەن, ________________________________________________ كوشەنىڭ اتاۋى, ءۇي №__, پاتەر №__). ادرەس رەگيستراتسي _______________________________ (وبلاست, گورود, رايون, ناسەلەننىي پۋنكت, ________________________________________________ نايمەنوۆانيە ۋليتسى, دوم №__, كۆارتيرا №__). Home Address ___________________________________ (region, city, district, settlement, ________________________________________________ street, building №__, flat №__) بىرگە كەلەتىن بالالار/سوۆمەستنو سلەدۋيۋت دەتي/Accompanying by children قولى/پودپيس/signature ارتقى بەتى وبراتنايا ستورونا قازاقستان رەسپۋبليكاسىنىڭ مەملەكەتتىك شەكاراسىنان وتكەننەن كەيىن كۇنتىزبەلىك بەس كۇن ىشىندە ىشكى ىستەر ورگاندارىندا مىندەتتى تۇردە تىركەلۋى ءتيىس. قازاقستان رەسپۋبليكاسىندا بولۋ مەرزىمدەرىن بۇزۋ اكىمشىلىك جاۋاپتىلىققا اكەپ سوعادى. كوشى-قون كارتوچكاسى كوشىپ كەلۋشىدە ساقتالادى جانە قازاقستان رەسپۋبليكاسىنان شىققان كەزدە تاپسىرىلۋى ءتيىس. ۆ تەچەنيە 5 كالەندارنىح دنەي پوسلە پەرەسەچەنيا گوسۋدارستۆەننوي گرانيتسى رەسپۋبليكي كازاحستان وبيازاتەلنا رەگيستراتسيا ۆ ورگاناح ۆنۋترەننيح دەل. نارۋشەنيە سروكوۆ پرەبىۆانيا ۆ رەسپۋبليكە كازاحستان ۆلەچەت ادمينيستراتيۆنۋيۋ وتۆەتستۆەننوست. ميگراتسيوننايا كارتوچكا حرانيتسيا ۋ يمميگرانتا ي پودلەجيت سداچە پري ۆىەزدە يز رەسپۋبليكي كازاحستان. Within the 5 calendar days after the crossing of the State border of the Republic of Kazakhstan, registration in the internal affairs authorities IS MANDATORY. Violation of terms of stay in the Republic of Kazakhstan constitutes an administrative offense. Migration card kept by the foreigner and will be deposited at the exit from the Republic of Kazakhstan. تىركەۋ مەرزىمى 20___جىلعى « »________ دەيىن ۇزارتىلدى. تىركەۋ جاساعان ورگان__________لاۋازىمدى ادامنىڭ قولى______________ م/و تىركەۋ مەرزىمى 20___جىلعى « »________ دەيىن ۇزارتىلدى. تىركەۋ جاساعان ورگان__________لاۋازىمدى ادامنىڭ قولى______________ م/و كوشى-قون كارتوچكاسىنىڭ ولشەمى 88ح125 مم كوشى-قون كارتوچكاسىن بەرۋ قاعيدالارىنا 2-قوسىمشا كوشى-قون كارتوچكالارىن تولتىرۋ بويىنشا جادىناما 1. كوشى-قون كارتوچكالارى شەتەلدىكتەرگە, پويىز بريگادالارىنىڭ, اۋە, تەڭىز كەمەلەرى ەكيپاجدارىنىڭ مۇشەلەرىنە قازاقستان رەسپۋبليكاسىنا كەلۋ كەزىندە شەكارالىق باقىلاۋ پۋنكتىنە كەلگەنگە دەيىن ولاردى تولتىرۋ ءۇشىن قاجەتتى ۋاقىتتى ەسەپتەي وتىرىپ, الدىن الا بەرىلەدى. 2. كارتوچكا تۇسىنىكتى, شيمايسىز جانە تۇزەتۋلەرسىز سيا نەمەسە شاريكتى اۆتوقالاممەن كوك نەمەسە قارا ءتۇستى پاستامەن تولتىرىلادى. تەگى مەن اتى قاتاڭ تۇردە پاسپورت بويىنشا ونى تولتىرۋ كەزىندە قولدانىلاتىن الىپبيمەن (قازاقشا, لاتىنشا نەمەسە كيريلليتسا) جازىلادى. اراب نەمەسە وزگە گرافيكا قولدانىلمايدى. 3. «ساپار ماقساتى» باعانىنا مىناداي ماقساتتاردىڭ ءبىرى كورسەتىلەدى: جەكە – قوناققا, جەكە سيپاتتاعى باسقا ىستەر بويىنشا; قىزمەتتىك– ىسساپارعا كەلگەن كەزدە, ىسكەرلىك سيپاتتاعى باسقا ىستەر بويىنشا; جۇمىسقا – جاسالعان كەلىسىمشارتقا سايكەس جۇمىس ءۇشىن كەلگەن كەزدە جانە قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءتيىستى رۇقساتى بولعان كەزدە; وقۋعا – قازاقستان رەسپۋبليكاسىنىڭ جوعارى جانە ورتا ارنايى وقۋ ورىندارىنىڭ ستۋدەنتتەرى ءۇشىن, سونداي-اق تاعىلىمداماعا نەمەسە پراكتيكاعا باراتىن ادامدار ءۇشىن; ەمدەلۋگە – قازاقستان رەسپۋبليكاسىنىڭ مەديتسينالىق مەكەمەلەرىنە ەمدەلۋگە كەلگەن ادامدار ءۇشىن; تۋريستىكت – تۋريستەر رەتىندە كەلەتىن ادامدار ءۇشىن. 4. «قابىلدايتىن تاراپ» باعانىندا قابىلداۋشى ۇيىم رەتىندەگى جەكە تۇلعانىڭ تەگى نەمەسە زاڭدى تۇلعانىڭ اتاۋى, سونداي-اق ول تۇراتىن وبلىس (زاڭدى تۇلعانىڭ تىركەلگەن ورنى) كورسەتىلەدى. مىسالى: ا.ي. سۇندەتوۆ قىزىلوردا وبل.; «نۇر» اق, استانا قالاسى. 5. «تۇراتىن مەكەنجايى» باعانىندا جوسپارلانعان ۋاقىتشا بولاتىن جەرى كورسەتىلەدى. مىسالى: وڭتۇستىك قازاقستان وبلىسى, لەڭگىر اۋدانى, كەنتاۋ قالاسى, لەنين كوشەسى, 5-ءۇي, 6-پاتەر. 6. «بىرگە كەلەتىن بالالار» باعانىنا شەتەلدىكتەرمەن بىرگە كەلەتىن 16 جاسقا تولماعان بالالاردىڭ سانى جازباشا كورسەتىلەدى. مىسالى: «ۇشەۋ». 7. كوشى-قون كارتوچكالارى شەكارالىق باقىلاۋ كەزىندە پاسپورتپەن بىرگە ۇسىنىلادى. كوشى-قون كارتوچكالارى قازاقستان رەسپۋبليكاسىنان شىققانعا دەيىن كوشىپ كەلۋشىلەردە ساقتالادى جانە ىشكى ىستەر ورگاندارى مەن شەكارا قىزمەتى قىزمەتكەرلەرىنىڭ تالاپ ەتۋى بويىنشا ۇسىنىلادى. 8. ىشكى ىستەر ورگاندارىندا تىركەلۋ تۋرالى بەلگىنى كوشى-قون پوليتسياسى قىزمەتكەرلەرى قويادى. قازاقستان رەسپۋبليكاسىندا بولۋ مەرزىمى كۇنتىزبەلىك 5 كۇننەن اسپايتىن ادامداردىڭ پاسپورتتارىن ىشكى ىستەر ورگاندارىندا تىركەۋ مىندەتتى ەمەس.