جاڭا زاڭ قۇقىقتاردى ۇجىمدىق نەگىزدە باسقاراتىن ۇيىمداردىڭ جانە پاتەنتتىك سەنىم بىلدىرىلگەن وكىلدەردىڭ قىزمەتىنىڭ اشىقتىعىن قامتاماسىز ەتۋگە ارنالعان. سونداي-اق قۇجاتتا زياتكەرلىك مەنشىك قۇقىقتارى مەن ونەركاسىپتىك مەنشىك وبەكتىلەرىن قورعاۋدى كۇشەيتۋ ماسەلەسى قاراستىرىلعان. جالپى العاندا, وتاندىق تاۋار وندىرۋشىلەردى الەمدىك نارىققا شىعۋلارىن كوزدەيدى.
ەلىمىزدە ەكولوگيالىق تازا ونىمدەر كوپتەپ شىعارىلادى. شاعىن جانە ورتا بيزنەس وكىلدەرى تازا تابيعي قۇندىلىعىن ساقتاي وتىرىپ ءار ايماقتىڭ برەندتىك ونىمدەرىن ءوندىرىپ وتىر. بىراق ولار ىشكى نارىقتى عانا قامتىپ, سىرتقا شىعۋعا قاۋقارى جەتپەيدى. ول ءۇشىن مەملەكەتتەن قولداۋ قاجەت بولاتىن. ەندى, مىنە, جاڭا زاڭعا «گەوگرافيالىق كورسەتكىش» جاڭا وبەكتىسى ەنگىزىلدى. اتالعان تۇزەتۋ وتاندىق تاۋار وندىرۋشىلەرگە جاڭا مۇمكىندىكتەرمەن الەمدىك نارىققا شىعۋعا جول اشادى. وسىلايشا, الماتىنىڭ اپورتى, قىزىلوردانىڭ قاۋىنى مەن كۇرىشى, كوكشەتاۋدىڭ بالمۇزداعى, لەپسىنىڭ بالى, قازاقستاندىق شوكولاد, شۇباركول كومىرى, تۇرگەن شاراپتارى سەكىلدى وتاندىق ونىمدەردىڭ ەكسپورتقا جولى اشىلماق. الايدا وندىرىلگەن ءونىم تولىقتاي ء«وز جەرىنەن» وڭدەلىپ بارىپ تۇتىنۋشىعا جەتۋگە ءتيىس.
«وندىرىلەتىن ءونىمنىڭ بارلىعى تۇقىمنان باستاپ تۇتىنۋشىعا دايىن كۇيىندە جەتەتىن ارالىقتاعى بارلىق پروتسەستەر سول جەردە, وڭىردە اتقارىلۋعا ءتيىس. ماسەلەن, ءونىم وڭدەلىپ, ال ونىڭ قوراپ, جاشىكتەرگە سالىنۋى ءوز وڭىردە جۇزەگە اسىرىلماۋى قاجەت. سونداي-اق ءونىمنىڭ وندىرىلگەن جەرى تاۋاردىڭ جاپسىرماسىندا مىندەتتى تۇردە كورسەتىلۋى كەرەك. گەوگرافيالىق كورسەتكىشتەر وتە ماڭىزدى. قازاقتىڭ تابيعي تازا ونىمدەرىن الەمگە تانىتۋدى ماقسات ەتىپ وتىرمىز», دەيدى «ۇلتتىق زياتكەرلىك مەنشىك ينستيتۋتى» رمك ديرەكتورىنىڭ ورىنباسارى ايدىن ارتىقوۆا.
ادىلەت ۆيتسە-ءمينيسترى اقەركە احمەتوۆانىڭ ايتۋىنشا, تىركەلمەگەن ونەركاسىپتىك ۇلگىلەردى قىسقا مەرزىمدى قورعاۋ ەنگىزىلەدى. بۇل ەۋروپالىق وداقپەن كەڭەيتىلگەن ارىپتەستىك جانە ىنتىماقتاستىق تۋرالى كەلىسىم شەڭبەرىندە قابىلدانعان مىندەتتەمەلەرگە سايكەس كەلەدى.
«مۇنداي قورعاۋ قۇقىق يەلەنۋشىلەردى بىرەگەي بۇيىمداردىڭ سىرتقى ءتۇرىن تىكەلەي كوشىرۋدەن قورعاۋعا مۇمكىندىك بەرەدى. تاۋار تاڭبالارى, گەوگرافيالىق كورسەتكىش جانە تاۋارلاردىڭ شىعارىلعان جەرىنىڭ اتاۋلارى جونىندەگى «وپپوزيتسيالىق» جۇيە مۇددەلى تۇلعالارعا ءوتىنىمدى قاراۋ كەزەڭىندە ساراپتاما جاساۋ ۇيىمىنا قارسىلىق جىبەرۋگە مۇمكىندىك بەرەدى. بۇل نىسانداردى تىركەۋگە داۋ ايتۋدىڭ ىقتيمال تاۋەكەلدەرىن جويادى», دەيدى ادىلەت ءمينيسترىنىڭ ورىنباسارى ا.احمەتوۆا.
سونداي-اق ادىلەت مينيسترلىگى زياتكەرلىك مەنشىك سالاسىنداعى زاڭعا تاۋەلدى 10 اكتىگە ءتيىستى تۇزەتۋلەر ەنگىزبەك. اتاپ ايتقاندا, وبەكتىلەردى تىركەۋ جانە مەملەكەتتىك قىزمەتتەر كورسەتۋ راسىمدەرى بولىگىنىڭ كەيبىر تارماقتارى وزگەرمەك. بۇعان قوسا مينيسترلىك مۇددەلى مەملەكەتتىك ورگانداردى تارتا وتىرىپ, زياتكەرلىك مەنشىكتى ودان ءارى دامىتۋدىڭ 2024 جىلعا دەيىنگى جول كارتاسىن ازىرلەدى.
«بۇل كارتا زياتكەرلىك مەنشىك جۇيەسىن تسيفرلاندىرۋ, ونىڭ ىشىندە جوعارى وقۋ ورىندارىنىڭ جانىنان تەحنولوگيالار مەن يننوۆاتسيالاردى قولداۋ ورتالىقتارىن قۇرۋ جونىندەگى ءىس-شارالاردى كوزدەيدى. جاقىندا جۇمىس باستالدى. رەسپۋبليكا بويىنشا اتىراۋ, اقتوبە, باتىس قازاقستان, قاراعاندى, جامبىل وبلىستارىن قوسا العاندا, نۇر-سۇلتان, الماتى قالالارىندا وسىنداي 13 ورتالىق قۇرىلدى. سونداي-اق يننوۆاتسيالاردى ىنتالاندىرۋ, تەحنولوگيالاردى بەرۋ, قۇقىق قولدانۋ پراكتيكاسىن, كادرلاردىڭ نورماتيۆتىك-قۇقىقتىق جانە حالىقارالىق قۇقىقتىق بازاسىن جەتىلدىرۋ جونىندەگى ءىس-شارالار قاراستىرىلعان. حالىقارالىق ىنتىماقتاستىق شەڭبەرىندە زاڭنامانى وسىمدىكتەردىڭ جاڭا سورتتارىن قورعاۋ جونىندەگى حالىقارالىق كونۆەنتسيامەن ۇيلەستىرۋ, سوقىر نەمەسە كورۋ قابىلەتى بۇزىلعان جانە وزگە دە قابىلەتى شەكتەۋلى ادامداردىڭ قول جەتكىزۋىن جەڭىلدەتۋدىڭ مارراكەش شارتىنا قوسىلۋ بويىنشا ۇسىنىستار ازىرلەۋ, باسپا باسىلىمىن قابىلداۋ, سپۋتنيكتەر ارقىلى بەرىلەتىن الىپ جۇرەتىن باعدارلامالار مەن سيگنالداردى تاراتۋ تۋرالى بريۋسسەل كونۆەنتسياسى بويىنشا ءىس-شارالار وتكىزۋدى جوسپارلاپ وتىرمىز», دەيدى اقەركە احمەتوۆا.
