ەكو-جوبانىڭ باستى ماقساتى – حالىقتىڭ ەكولوگيالىق پروبلەمالاردان, كومىرتەگى بەيتاراپتىلىعى تۋرالى اقپاراتتاندىرىلۋىن قامتاماسىز ەتۋ, سونداي-اق تۇرعىنداردى ەكولوگيالىق باستامالارعا تارتۋ.
بۇگىنگە دەيىن EcoVision جوباسى اياسىندا بىرنەشە الەۋمەتتىك ءىس-شارا ءوتتى. جۋىردا اقتاۋدا EcoVision ەكولوگيالىق جوباسىنىڭ قاتىسۋشىلارى ءۇشىن العاشقى ۆوركشوپ ۇيىمداستىرىلدى. قوعام بەلسەندىلەرىنىڭ ايتۋىنا قاراعاندا, ۆوركشوپ – عىلىمي-زەرتتەۋلەر جۇرگىزىپ, وڭىردەگى ەكولوگيالىق ماسەلەلەردى شەشۋدىڭ زور مۇمكىندىگى.
ءىس-شارا بارىسىندا اقتاۋ قالاسىنداعى نازارباەۆ زياتكەرلىك مەكتەبىنىڭ وقۋشىلارى مەن Yessenov University ستۋدەنتتەرى قورشاعان ورتانى قورعاۋعا قاتىستى جوبالارىن ازىرلەپ, ەكولوگيالىق ساۋاتتىلىعىن جاقسارتتى. سونىمەن قاتار وڭىردە ۇقىپتى ويلاۋ تاقىرىبىنا ارنالعان ونلاين شەبەرلىك ساعاتتارى وتكىزىلدى.
EcoVision جوباسى ارقىلى ءبىز جاستار اراسىندا ەكو-ويلاۋ مەن سانالى تۇتىنۋ قاعيداتتارىن, ەكولوگياعا قاتىستى بەلسەندى ازاماتتىق ۇستانىمدى قالىپتاستىرعىمىز كەلەدى. ءبىزدىڭ ماقسات – بولاشاقتا جەرگىلىكتى جانە جاھاندىق ەكولوگيالىق پروبلەمالارعا اسەر ەتە الاتىن ەكوكوشباسشىلاردى تاربيەلەۋ», دەيدى جوبا جەتەكشىسى مادينا كيناياتوۆا.
تامىز ايىندا قوعام بەلسەندىلەرى جوبا قاتىسۋشىلارى ءۇشىن تاعى دا ءبىر وففلاين-ترەنينگ وتكىزبەك.
ال قىركۇيەكتە اقتاۋلىق وقۋشىلار مەن Yessenov University ستۋدەنتتەرى «ەكوحاكاتوننىڭ» قاتىسۋشىلارى اتانادى دەپ كۇتىلۋدە. جارىس بارىسىندا وقۋشىلار مەن ستۋدەنتتەر ءوڭىردىڭ ەكولوگيالىق ماسەلەلەرىن شەشۋگە ارنالعان ءوز كوزقاراسىن ۇسىنۋعا ءتيىس. ۇيىمداستىرۋشىلاردىڭ ايتۋىنشا, «ەكوحاكاتون» جاڭا ەكوجاڭاشىلدىقتارعا سەرپىن بەرىپ, جاستار اراسىندا ەكولوگيالىق ساۋاتتىلىقتى ارتتىرا الادى. ال ۇزدىك جوبالاردىڭ اۆتورلارى باعالى سىيلىقتارمەن ماراپاتتالادى دەپ جوسپارلانعان.
ەسكە سالايىق, EcoBatys باستاماسى اياسىنداعى الەۋمەتتىك جوبانى «شەلل قازاقستان» كومپانياسىنىڭ جانە ازاماتتىق باستامالاردى قولداۋ ورتالىعىنىڭ قولداۋىمەن QazaqGeography رقب جۇزەگە اسىرۋدا.
