قۇرمەتتى وتانداستار!

قازاقستان حالقى اسسامبلەياسى ءسىز­دەر­دى ىس­تىق ىقىلاسپەن قا­زاق­ستان حالقىنىڭ ءبىر­لىگى كۇنى مەرەكەسىمەن قۇتتىق­تايدى! بۇل مەيرام – حالقىمىزدىڭ ۇيىم­شىل­دىعى, ەل بىرلىگى مەن قوعامدىق كەلىسىمنىڭ سيمۆولى بولىپ تابىلادى. اتالعان ۇعىمدار ومىرىمىزگە نىق ەنىپ, ءاربىر ءۇي مەن وتباسىنا بەيبىتشىلىك, تىنىشتىق, بولاشاققا دەگەن سەنىم اكەلدى. بۇگىنگى كۇنى بەيبىتشىلىك پەن كەلىسىم – مەملەكەتىمىزدىڭ, قوعامىمىزدىڭ جانە وتانىمىزدىڭ ءاربىر ازاماتى دامۋىنىڭ باس­تى شارتتارى ەكەنى انىق. قازاقستان رەسپۋبليكاسىنىڭ تۇڭعىش پرەزيدەنتى, ەلباسى ن.ءا.نازارباەۆتىڭ ساياسي جىگەرىنىڭ ارقا­سىندا ەلىمىزدەگى ەتنوسارالىق ۇيلەسىمدىلىك تاۋەل­سىز قازاقستاننىڭ, ونىڭ الۋان ءتۇر­لى مادەنيەتتەرىنىڭ, تىلدەرىنىڭ, سالت-ءداس­تۇر­لەرىنىڭ كۇشەيۋىنە وزدەرىنىڭ قايتالانباس ۇلەسىن قوسىپ وتىرعان جۇزدەن استام ەتنوستى بىرىكتىردى. بەيبىتشىلىك پەن كەلىسىم ساياساتى حال­قىمىزعا ۇلى تاريحي مۇمكىندىكتى اشتى. ول كۇش-قايراتىمىزدى بىرىكتىرىپ, ىرىسى مول جانە ءوسىپ-وركەندەگەن قازاقستان قۇرۋ ءۇشىن بىرلەسىپ ەڭبەك ەتۋ, ۇرپاق ءوسىرۋ, جارقىن بولاشاعىمىزدى قۇرۋ بولىپ تابىلادى. سوندىقتان, قازاقستان پرەزيدەنتى اسسامبلەيانىڭ 21-سەسسياسىندا بەيبىتشىلىك  جانە رۋحاني كەلىسىمنىڭ بىرەگەي مادەنيەتى – ۇرپاعىمىزعا قالدىراتىن اسىل قازى­ناسى ىسپەتتەس ءبىزدىڭ جالپىعا ورتاق ءما­دەني مۇرامىز ەكەندىگى جونىندە تاعى اتاپ ايتتى. قادىرلى قازاقستاندىقتار! سىزدەردى وسى بۇكىلحالىقتىق مەرەكەمەن قۇتتىقتايمىز! ءومىرىمىز جارقىن, اسپانىمىز اشىق, ەلى­مىزدىڭ ءاربىر شاڭىراعىندا رۋحاني جىلىلىق پەن مولشىلىق بولسىن. قازاقستان حالقىنا مىقتى دەنساۋلىق, باق-داۋلەت, بەيبىتشىلىك, ورتاق شاڭىراعىمىز – قازاقستان رەسپۋبليكاسىنىڭ يگىلىگىنە ارنالعان جاقسى ىستەر مەن ىرىس-بەرەكە كو­بەيە بەرسىن دەپ شىنايى ىقىلاسپەن تىلە­گىمىزدى بىلدىرەمىز.  قازاقستان حالقى اسسامبلەياسى