«قىزمەتكەرلەردىڭ ەڭبەك جاعدايىن جۇيەلى تۇردە جاقسارتۋدى ارى قاراي جالعاستىرامىز. 1 ماۋسىمنان باستاپ الەۋمەتتىك, مادەنيەت (كىتاپحانالار, مۇراجايلار), سپورت, جەرگىلىكتى پوليتسيا قىزمەتى جانە باسقا ماماندارىنىڭ جالاقىسى كوتەرىلدى. وسىلايشا ەلوردا مەكەمەلەرىندە جۇمىس ىستەيتىن 4 مىڭعا جۋىق مامان قامتىلدى. ماسەلەن الەۋمەتتىك مەكەمەلەر, مەديتسينالىق-وڭالتۋ ورتالىقتارى, كىتاپحانا جانە باسقا ورىنداردا جۇمىس ىستەيتىن, جالاقىسى تومەن قىزمەتكەرلەردىڭ ەڭبەكاقىسى 30%-دان 50%-عا دەيىن كوبەيدى», دەپ جازدى قالا اكىمى Instagram پاراقشاسىندا.
وسىعان بايلانىستى ول بىرنەشە مىسال كەلتىرىپ ءوتتى.
«مىسالى «جانۇيا» وتباسى ينستيتۋتىن قولداۋ ورتالىعى جانە «بەلسەندى ۇزاق ءومىر ءسۇرۋ ورتالىعى» الەۋمەتتىك قىزمەتكەرلەردىڭ جالاقىسى 1,5 ەسە وسكەن. ال كىتاپحاناشىلاردىڭ جالاقىسى 30%-دان اسا («ورتالىق كىتاپحانا جۇيەسى» كمم), سۋرەتشىلەردىڭ جالاقىسى 50%-عا ءوستى. جەرگىلىكتى پوليتسيا قىزمەتىنىڭ جالاقىسى 30%-عا دەيىن كوتەرىلدى, ازاماتتىق قىزمەتكەرلەر (س, D ساناتتارى جانە رازريادتاۋشىلار) 1,8 ەسە ءوستى. «مەملەكەت باسشىسىنىڭ تاپسىرماسى بويىنشا وسىعان دەيىن مەديتسينا قىزمەتكەرلەرىنىڭ, پەداگوگتەردىڭ, كوممۋنالدىق كاسىپورىن قىزمەتكەرلەرىنىڭ جالاقىسى كوتەرىلگەن بولاتىن. وسى باعىتتاعى جۇمىستى ارى قاراي دا جالعاستىرامىز», دەدى التاي كولگىنوۆ.
