كەشە ەلورداداعى بەيبىتشىلىك جانە كەلىسىم سارايىنىڭ ماڭىندا ازيا دامۋ بانكىنىڭ (ادب) پرەزيدەنتى تاكاحيكو ناكاۋو مەن ادب ءماجىلىسىنىڭ توراعاسى – ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆتىڭ قاتىسۋىمەن جاڭا اللەيا اشىلىپ, اعاشتار وتىرعىزىلدى. اتالعان يگى شارا 2-5 مامىردا استانادا وتەتىن ازيا دامۋ بانكى باسقارۋشىلار كەڭەسىنىڭ 47-ءشى جىل سايىنعى ءماجىلىسى قارساڭىندا ۇيىمداستىرىلىپ وتىر.
ازيا دامۋ بانكى باسقارۋشىلار كەڭەسىنىڭ كەزەكتى جيىنى «ازيانى اۋىسپالى الەمدە بىرىكتىرەتىن جاڭا جىبەك جولدارى» دەپ اتالادى. قازىردىڭ وزىندە ەلىمىزدە جىبەك جولىن جاڭعىرتۋ بويىنشا كەشەندى جۇمىستار قولعا الىنۋدا دەسەك, باس كەڭسەسى مانيلا (فيليپپين) قالاسىندا ورنالاسقان ازيا دامۋ بانكىنىڭ ماقساتى ايماقتىق ينتەگراتسيا جانە ەكونوميكالىق ءارى ەكولوگيالىق تۇراقتى ءوسىم ارقىلى ازيا-تىنىق مۇحيتى ايماعىندا كەدەيشىلىك دەڭگەيىن قىسقارتۋ بولىپ تابىلادى. اتالمىش ۇيىم 1966 جىلى قۇرىلسا, 67 مۇشە مەملەكەتتەر ونىڭ اكتسيونەرى سانالادى. ال قازاقستان ۇيىمعا 1994 جىلدان بەرى مۇشە.
ازيا دامۋ بانكىمەن ءبىرلەسە وتىرىپ, ەلىمىزدىڭ كولىك, ەنەرگەتيكا سالالارىن, مەملەكەتتىك باسقارۋ جۇيەسىن جەتىلدىرۋ, جەكەمەنشىك سەكتوردى دامىتۋ ماسەلەلەرى بويىنشا ىنتىماقتاستىق جولعا قويىلعان. قازىرگى تاڭدا ەلىمىز تەحنيكالىق قايتارىمسىز كومەك الۋشى ەمەس, كەرىسىنشە, دامۋشى ەلدەرگە جاردەمدەسۋ بويىنشا ادب ارىپتەسى بولۋعا نيەتتى. ايتالىق, 2013 جىلى ادب قازاقستانمەن ىنتىماقتاستىق اياسىندا ازيا دامۋ قورىنا دونورلىق كومەك رەتىندە 5 ميلليون دوللار قارجى بولگەن.
شارا سوڭىندا ادب پرەزيدەنتى ەلىمىزدىڭ قوناقجايلىلىعىنا ءوزىنىڭ شەكسىز العىسىن جەتكىزدى. سونداي-اق, ول استانانىڭ اسەم قالاعا اينالىپ كەلە جاتقانىن دا تىلگە تيەك ەتتى.
ءابدىراحمان قىدىربەك,
«ەگەمەن قازاقستان».
سۋرەتتى تۇسىرگەن ەرلان وماروۆ.
ازيا دامۋ بانكى باسقارۋشىلار كەڭەسىنىڭ كەزەكتى جيىنى «ازيانى اۋىسپالى الەمدە بىرىكتىرەتىن جاڭا جىبەك جولدارى» دەپ اتالادى. قازىردىڭ وزىندە ەلىمىزدە جىبەك جولىن جاڭعىرتۋ بويىنشا كەشەندى جۇمىستار قولعا الىنۋدا دەسەك, باس كەڭسەسى مانيلا (فيليپپين) قالاسىندا ورنالاسقان ازيا دامۋ بانكىنىڭ ماقساتى ايماقتىق ينتەگراتسيا جانە ەكونوميكالىق ءارى ەكولوگيالىق تۇراقتى ءوسىم ارقىلى ازيا-تىنىق مۇحيتى ايماعىندا كەدەيشىلىك دەڭگەيىن قىسقارتۋ بولىپ تابىلادى. اتالمىش ۇيىم 1966 جىلى قۇرىلسا, 67 مۇشە مەملەكەتتەر ونىڭ اكتسيونەرى سانالادى. ال قازاقستان ۇيىمعا 1994 جىلدان بەرى مۇشە.
ازيا دامۋ بانكىمەن ءبىرلەسە وتىرىپ, ەلىمىزدىڭ كولىك, ەنەرگەتيكا سالالارىن, مەملەكەتتىك باسقارۋ جۇيەسىن جەتىلدىرۋ, جەكەمەنشىك سەكتوردى دامىتۋ ماسەلەلەرى بويىنشا ىنتىماقتاستىق جولعا قويىلعان. قازىرگى تاڭدا ەلىمىز تەحنيكالىق قايتارىمسىز كومەك الۋشى ەمەس, كەرىسىنشە, دامۋشى ەلدەرگە جاردەمدەسۋ بويىنشا ادب ارىپتەسى بولۋعا نيەتتى. ايتالىق, 2013 جىلى ادب قازاقستانمەن ىنتىماقتاستىق اياسىندا ازيا دامۋ قورىنا دونورلىق كومەك رەتىندە 5 ميلليون دوللار قارجى بولگەن.
شارا سوڭىندا ادب پرەزيدەنتى ەلىمىزدىڭ قوناقجايلىلىعىنا ءوزىنىڭ شەكسىز العىسىن جەتكىزدى. سونداي-اق, ول استانانىڭ اسەم قالاعا اينالىپ كەلە جاتقانىن دا تىلگە تيەك ەتتى.
ءابدىراحمان قىدىربەك,
«ەگەمەن قازاقستان».
سۋرەتتى تۇسىرگەن ەرلان وماروۆ.
