ساعادي تالدىباەۆتىڭ كوكجازىق اۋىلدىق وكرۋگىنىڭ اكىمى قىزمەتىن اتقارىپ كەلە جاتقانىنا 20 جىلدان اسقان. تۇرعىنداردىڭ ايتۋىنشا, سول ۋاقىتتان بەرى ەش وزگەرىس بولماعان. اۋىلدا جول سالىنباعان, بالالار الاڭدارى مەن عالامتور ءتىپتى جارىق تا جوق.
ال اكىم ساعادي تالدىباەۆ ماسەلەنىڭ بارلىعىن بىردەن شەشۋ مۇمكىن ەمەستىگىن ايتادى. ونىڭ سوزىنشە, وكرۋگ جارىعىنىڭ 10 باعاناسى اۋىستىرىلىپ, جاڭادان سپورت الاڭى سالىنىپ جاتقان كورىنەدى. وكرۋگ بويىنشا 3 اۋىلعا اۋىز سۋ تارتىلىپ, مەكتەپكە وقۋشىلار اۆتوبۋسپەن قاتىنايدى ەكەن.
ەسكەلدى اۋدانى اكىمدىگىنىڭ رەسمي سايتىندا تالدىباەۆ كوكجازىق اۋىلدىق وكرۋگىنە 1998-2012 جىلدارى, سوسىن 2016 جىلدان باستاپ قازىرگى ۋاقىتقا دەيىن 2 رەت اكىم بولىپ تاعايىندالعانى جازىلعان.
اكىمنىڭ ءوزى حالىق تالابىنا ساي قىزمەت ورنىن بوساتۋ جايلى دا, الداعى ۋاقىتتا اكىمدىك سايلاۋعا قاتىساتىنى تۋرالى دا ءسوز قوزعاعان جوق.
اجار لاۋباەۆا
