بۇل جونىندە وبلىس اكىمى نۇرلان ۇرانحاەۆ ءبىلىم بەرۋ نىساندارىنىڭ قۇرىلىسىمەن تانىسۋ كەزىندە ايتتى. ءوڭىر باسشىسى سەمەيدەگى مەكتەپتەر مەن كوپ پاتەرلى ۇيلەردىڭ قۇرىلىسىن باقىلاپ قايتتى.
ايتالىق, ستەپنوي ەلدى مەكەنىندە ايالداپ, 300 وقۋشىعا شاقتالعان مەكتەپتىڭ قۇرىلىس جۇمىستارىنا قانىقتى.
«قازىر مۇندا ارلەۋ جۇمىستارى جۇرگىزىلىپ جاتىر. قىركۇيەككە دەيىن بارلىق جۇمىس اياقتالادى. جىلۋمەن جابدىقتاۋ جەلىلەرىنە بايلانىستى ماسەلەلەر بار», دەدى مەردىگەر كومپانيا وكىلدەرى.
وبلىس اكىمى شىعىس كەنتىندەگى 1 200-دەي بالانى قابىلداۋعا قاۋقارلى مەكتەپتىڭ دە قۇرىلىسىن باقىلاپ, ونداعى جۇمىستاردىڭ قارقىنىن باعالادى.
مەكتەپتە ۇلكەن سپورت زالى قاراستىرىلاتىنىن كورىپ, وسكەلەڭ ۇرپاقتىڭ اراسىندا بۇقارالىق سپورتتى دامىتۋدىڭ ماڭىزدىلىعىن ايتتى.
ن.ۇرانحاەۆ قاراعايلى شاعىن اۋدانىنداعى توعىز قاباتتى تۇرعىن ءۇيدىڭ قۇرىلىسىنىڭ بارىسىن باعامدادى. جىلۋ جەلىلەرىنە بايلانىستى كەيبىر پروبلەمالار بار ەكەنى انىقتالدى. ونى جاقىن ارادا شەشۋ ءۇشىن بەيىندى باسقارمالار مەن بولىمدەرگە جۇمىس بارىسىن باقىلاۋ تاپسىرىلدى.
اباي وبلىسى
