«قاسكەلەڭ قالاسى, الماتى-بىشكەك تراسساسىنىڭ 29 شاقىرىمىندا ورنالاسقان «كريستالل» قوناق ءۇي-تۇراق كەشەنىنىڭ اۋماعىندا 925 مىڭ قوراپ زاڭسىز تەمەكى (18,5 ملن. تەمەكى تارتۋ بىرلىگى) ءونىمى انىقتالدى. اكتسيزدىك ماركاسى جوق كونتراباندالىق تەمەكى ءونىمى تەكسەرۋ جۇرگىزۋ بارىسىندا الماتى وبلىسى بويىنشا مەملەكەتتىك كىرىستەر دەپارتامەنتىنىڭ جانە الماتى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرىمەن بىرلەسىپ انىقتالدى», دەلىنگەن كوميتەت حابارلاماسىندا.
تەكسەرۋ ناتيجەلەرى بويىنشا بارلىق ماتەريالدار قر قىلمىستىق كودەكسىنىڭ 233-بابى بويىنشا بۇزۋشىلىق بەلگىلەرىمەن الماتى وبلىسى بويىنشا ەكونوميكالىق تەرگەۋ دەپارتامەنتىنە بەرىلدى.
تولەنبەگەن اكتسيز شىعىن سوماسى 227,6 ملن. تەڭگەنى قۇرايدى, تەمەكىنىڭ جالپى قۇنى 527,3 ملن. تەڭگەنى قۇرادى.
«قىلمىستىق كودەكستىڭ 233-بابىنىڭ 1-بولىگىنە سايكەس ايتارلىقتاي زالال كەلتiرۋگە اكەپ سوققان, اكتسيزدەلەتiن تاۋارلاردى سايكەستەندىرۋ قۇرالدارىمەن جانە (نەمەسە) ەسەپكە الۋ-باقىلاۋ ماركالارىمەن تاڭبالاۋدىڭ ءتارتiبi مەن قاعيدالارىن بۇزۋ – مۇلكى تاركىلەنىپ نەمەسە ونسىز, بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءۇش جىلعا دەيىنگى مەرزىمگە ايىرا وتىرىپ نەمەسە ونسىز, ءبىر مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءتورت ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا نە ءبىر جىلعا دەيiنگi مەرزiمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى», دەلىنگەن مەملەكەتتىك كىرىستەر كوميتەتىنىڭ ءباسپاسوز قىزمەتىندە.
