كەزدەسۋ بارىسىندا زاۋىتتىڭ قانت قىزىلشاسىن ساتىپ الۋداعى باعاسى تومەن ەكەنى ايتىلدى. جىل سايىن جينالعان ءونىم قانت زاۋىتتارىنا وڭدەۋگە تاپسىرىلادى. ال زاۋىتتار تولەيتىن باعا قىزىلشا وسىرۋشىلەردىڭ جۇمسايتىن شىعىندارىنا سايكەس كەلمەيدى. 2021 جىلى زاۋىت پەن مەملەكەت ءبىر كەلى قىزىلشا ءۇشىن 20 تەڭگە تولەگەن.
شارۋالاردى قولداۋ ماقساتىندا بيىل مەملەكەت قانت زاۋىتتارىنىڭ ساتىپ الۋ باعاسىن ۇلعايتتى: ەندى زاۋىت 15 تەڭگە, ال مەملەكەت سۋبسيديا رەتىندە 15 تەڭگە تولەيتىن بولادى. وسىلايشا, ءبىر توننا قانت قىزىلشاسى ءۇشىن شارۋالار 30 مىڭ تەڭگە الادى. ورتا ەسەپپەن وبلىستا فەرمەرلەر قانت قىزىلشاسىنان گەكتارىنان 350-دەن 400 تسەنتنەرگە دەيىن ءونىم جينايدى, اعىمداعى جىلعا جوسپار 200 مىڭ توننا.
سونداي-اق كەزدەسۋگە قاتىسقان وندىرۋشىلەر قىزىلشا ەگەتىن ايماقتى سۋمەن قامتاماسىز ەتۋ, فەرمەرلەر مەن قايتا وڭدەۋ زاۋىتتارىن تەحنيكالىق جابدىقتاۋ ماسەلەلەرىن تالقىلادى.
وڭىردەگى ەڭ ءىرى قانت زاۋىتتارىنىڭ ءبىرى - «كوكسۋ قانت زاۋىتى» جشس تاۋلىگىنە 2000 تونناعا دەيىن قانت قىزىلشاسىن وڭدەيدى. كۇنىنە 200 توننادان استام دايىن ءونىم الادى. 2022 جىلدىڭ باسىنان كاسىپورىن 29 مىڭ توننا قانت ءوندىردى. زاۋىت جىلىنا 250 مىڭ توننا قانت وندىرەدى. سونداي-اق قۇراق قانتىنىڭ جىلدىق قۋاتى 35 مىڭ توننا شيكىزاتتى قۇرايدى.
ۆيتسە-مينيستر جۇيەلى سيپاتتاعى پروبلەمالار مەن ۇسىنىستار ۇكىمەتتىك دەڭگەيدە قارالاتىنىن ايتتى.
