قازاقستاندا ءسۇت قىمباتتادى

2022 جىلدىڭ ماۋسىم ايىنىڭ قورىتىندىسى بويىنشا ءسۇت باعاسى ءبىر ايدا 2,4%-عا, جىل باسىنان 17,2%-عا جانە ءبىر جىلدا 21,5%-عا ءوستى دەلىنگەن.

سالىستىرا كەتسەك, 2021 جىلى باعانىڭ جىلدىق ءوسۋى تەك 9,5%-دى قۇراعان.

«2022 جىلعى قاڭتار-مامىر ايلارىندا سۇيىق وڭدەلگەن ءسۇت پەن كىلەگەي ءوندىرىسى 235,3 مىڭ توننانى قۇرادى, بۇل ءبىر جىل بۇرىنعىعا قاراعاندا 7%-عا از. بۇل 6 جىلدىق ۇزدىكسىز وسۋدەن كەيىنگى ۇقساس كەزەڭدەگى كورسەتكىشتىڭ العاشقى تومەندەۋى», دەيدى ساراپشىلار.

سونىمەن قاتار زەرتتەۋشىلەر ءسۇت پەن كىلەگەي ءوندىرىسىنىڭ جارتىسى تەك سولتۇستىك قازاقستان (75,7 مىڭ توننا) جانە الماتى (44,2 مىڭ توننا) وبلىستارىنا تيەسىلى ەكەنىن ناقتىلاپ وتىر.

سونداي-اق ءوندىرىستىڭ ايتارلىقتاي كولەمى اقمولا (34,2 مىڭ توننا) مەن قوستاناي وبلىسىندا (28,5 مىڭ توننا) بايقالىپ وتىر.

«ىشكى نارىقتا وتكىزۋ كولەمى 3,7%-عا, 192 مىڭ تونناعا دەيىن قىسقاردى, ال ەكسپورت ەكى ەسە دەرلىك, 5,6 مىڭ تونناعا دەيىن تومەندەدى», دەلىنگەن زەرتتەۋدە.

وسى جىلدىڭ ءبىرىنشى توقسانىندا شيكى ءسۇتتى تۇتىنۋ جان باسىنا شاققاندا ورتاشا ەسەپپەن 3,5 ءليتردى قۇرادى, بۇل 2021 جىلدىڭ سايكەس كەزەڭىمەن سالىستىرعاندا 5%-عا از.