«قىز كوپىردىڭ جاقتاۋىنان عانا ۇستاپ تۇردى. وعان جاقىنداۋ مۇمكىن ەمەس ەدى. اشۋى شەگىنە جەتكەن قىز ءسال قاتەلىك جىبەرسەك, كوپىردەن قۇلاۋعا دايىن بولاتىن», دەپ ەسكە الادى رۋسلان اكماتوۆ. سوندىقتان رۋسلان قىزعا جىلى سويلەپ, بايلانىس جاساۋعا تاۋەكەل ەتەدى. باسىندا ەشبىر سوزگە يلىكپەگەن قىز بىرتە-بىرتە تىلگە كەلەدى. الدىمەن جىگىتتەن تەمەكى سۇرايدى. قۋانىپ كەتكەن جىگىت ءوزىنىڭ سپورتشى ەكەنىن, سوندىقتان تەمەكى شەكپەيتىنىن ايتىپ, قازىر ارىپتەسىمنەن الىپ بەرەيىن دەيدى. «تەمەكىنى الىپ, بيىكتەگى جاقتاۋمەن جاقىنداي بەرگەنىمدە قىز شوشىنىپ, «جاقىنداماڭىز, سەكىرەمىن» دەپ باج ەتتى. مەن تەمەكى بەرگەلى كەلە جاتىرمىن, الىستان بەرە المايمىن عوي دەپ جاقىنداي ءتۇستىم. قىز قولىن سوزىپ تەمەكىنى الا بەرگەندە بىلەگىنەن شاپ بەرىپ ۇستاي الدىم. دەگەنمەن سەكىرىپ كەتسە مەنى دە تارتىپ اكەتۋشى ەدى, سوندىقتان ونى جاقتاۋدىڭ باسقىشىنان بۇلتارتپاي سۇيرەلەپ وتىرىپ, الىپ شىقتىم», دەپ ەسكە الادى رۋسلان.
ءوز ءومىرىن قاتەرگە تىگىپ ادامدى اجالدان الىپ قالعانى ءۇشىن ول مەملەكەتتىك ناگراداعا سول جىلى ۇسىنىلعان بولاتىن. بىراق ماراپات بەلگىسىز سەبەپتەرمەن بەرىلمەدى. تەك توتەنشە جاعدايلار قىزمەتىنىڭ ۆەدومستۆولىق ءىىى دارەجەلى «قۇتقارۋشى» توسبەلگىسىن عانا العان ەدى. بىراق «اققا قۇداي جاق» دەگەندەي ونى ناگرادتاۋ تۋرالى ۇسىنىس قايتا قارالىپ, جۋىردا ىشكى ىستەر ءمينيسترى, گەنەرال-لەيتەنانت مارات احمەتجانوۆ پرەزيدەنتتىڭ جارلىعىمەن بەرىلگەن «ەرلىگى ءۇشىن» مەدالىن باتىردىڭ كەۋدەسىنە تاقتى. ءسويتىپ, كەشىككەن ناگرادا يەسىن تاپتى.
قازىر رۋسلان اكماتوۆ سول پاترۋلدىك پوليتسيا قىزمەتىندە ىستەيدى, شەنى اعا لەيتەنانت. ول كەشىككەن ماراپاتقا ءوزىنىڭ ەشقاشان الاڭداماعانىن ايتادى. ءوزىنىڭ كاسىبي مىندەتىنە ادال, موينىنا جۇكتەلگەن تاپسىرمالاردى ىجداھاتپەن ورىنداپ, ارقاشان الدا بولۋعا تىرىسادى. ال پاترۋلدىك پوليتسيا قىزمەتىندە ءارتۇرلى جاعدايلار, وقىس وقيعالار ءجيى كەزدەسەدى. بوساناتىن ايەلدى پەريناتالدىق ورتالىققا كەدەرگىسىز جەتكىزۋ, بۇزىلعان كولىكتى سۇيرەپ اپارۋعا كومەكتەسۋ, قارت ادامدى جولدىڭ ارعى بەتىنە وتكىزۋ, جوعالعانداردى ىزدەۋگە قاتىسۋ – مىنە, وسىلار ر.اكماتوۆ جۇمىسىنىڭ ءبىر پاراسى عانا. «پوليتسيا قىزمەتكەرى ءۇشىن ەڭ باستىسى, مەنىڭ ويىمشا, ادال, ادەپتى بولۋ, قىزمەتتىك مىندەتتەردى ابىرويمەن اتقارۋ جانە جاي عانا ادام بولىپ قالۋ», دەيدى كەيىپكەر. رۋسلان سپورتپەن دە بەلسەندى اينالىسادى. ارىپتەستەرىمەن بىرگە شىعىس جەكپە-جەگىنىڭ قىر-سىرلارىن ۇيرەنەدى.
ايتا كەتەتىن جايت, قازىر سولتۇستىك قازاقستان وبلىسىنىڭ پوليتسيا دەپارتامەنتىندە «ەرلىگى ءۇشىن» مەدالىمەن ماراپاتتالعان رۋسلاننان باسقا
8 پوليتسيا قىزمەتكەرى قىزمەت ەتەدى.
سولتۇستىك قازاقستان وبلىسى
