كەزەدسۋگە ەۋروپالىق سىرتقى ءىس-قيمىل قىزمەتىنىڭ رەسەي, شىعىس ارىپتەستىك, ورتالىق ازيا جانە ەقىۇ بويىنشا باسقارۋشى ديرەكتورىنىڭ ورىنباسارى ليۋك دەۆين دە قاتىستى. قازاقستان مەن ەو اراسىنداعى ىنتىماقتاستىقتى نىعايتۋدىڭ اعىمداعى جاعدايى مەن پەرسپەكتيۆالارى, سونداي-اق ەو-نىڭ ورتالىق ازيا بويىنشا ستراتەگياسى شەڭبەرىندە وڭىرارالىق بايلانىستاردى ودان ءارى دامىتۋ ماسەلەسى قوزعالدى.
تاراپتار ىنتىماقتاستىقتىڭ بارلىق سپەكترى بويىنشا ءوزارا ءىس-قيمىلدىڭ جوعارى دەڭگەيىن جانە جوعارى دەڭگەيدەگى تۇراقتى بايلانىستى اتاپ ءوتتى. بيىلعى 4 شىلدەدە پرەزيدەنت قاسىم-جومارت توقاەۆ جانە ەۋروپالىق كەڭەستىڭ پرەزيدەنتى شارل ميشەل تەلەفون ارقىلى سويلەستى. سونىمەن قاتار قازاقستان مەن ەۋروپالىق وداق, سونداي-اق ورتالىق ازيا – ەۋروپالىق وداق ديالوگتى ودان ءارى نىعايتۋعا باعىتتالعان بىرقاتار ءىس-شارالار جوسپارلانعان.
«ەۋروپالىق وداق قازاقستانمەن ساياسي, ەكونوميكالىق جانە وڭىرلىك ديالوگتى ساپالى دامىتۋعا ەرەكشە ءمان بەرەدى. قازاقستان پرەزيدەنتى جۇرگىزىپ جاتقان رەفورمالاردى قولداپ, ولاردى ىسكە اسىرۋعا جاردەمدەسۋگە دايىن», دەدى ت.حاكالا.
وسى تۇرعىدا ەۋروپالىق تاراپ اعىمداعى جىلعى 5 ماۋسىمدا وتكىزىلگەن كونستيتۋتسيالىق رەفەرەندۋمنىڭ قورىتىندىلارىن قۇپتادى. تاراپتار كولىك-لوگيستيكا سالاسىنداعى ىنتىماقتاستىقتى تەرەڭدەتۋدىڭ جانە ترانسكاسپي حالىقارالىق كولىك باعدارىن دامىتۋدىڭ وزەكتىلىگىن اتاپ ءوتتى. ەنەرگەتيكالىق جانە ازىق-ت ۇلىك قاۋىپسىزدىگىن قامتاماسىز ەتۋدىڭ ماڭىزىنا ەرەكشە كوڭىل ءبولىندى.
ءوز كەزەگىندە ر.ۆاسيلەنكو ەۋروپا مەن ازيا اراسىنداعى ءوزارا بايلانىس ستراتەگياسى جانە «جاھاندىق قاقپا» ستراتەگياسى اياسىندا قازاقستان ەۋروپالىق وداقپەن ءوزارا ءتيىمدى ىنتىماقتاستىققا مۇددەلى ەكەنىن مالىمدەدى.
كەزدەسۋ قورىتىندىسى بويىنشا تاراپتار ەكىجاقتى جانە وڭىرارالىق فورماتتاعى ستراتەگيالىق ارىپتەستىكتى ودان ءارى تەرەڭدەتۋ ءۇشىن تىعىز ءوزارا ءىس-قيمىلدى جالعاستىرۋعا كەلىستى.
