سالتاناتتى راسىمدە مۋزەي ديرەكتورىنىڭ مىندەتىن اتقارۋشى ايبەك سىدىقوۆ ەكى ەل اراسىنداعى مادەني بايلانىستىڭ ماڭىزدىلىعىنا توقتالدى.
ء«اربىر ەلدىڭ ۇلتتىق ءتىلى, سالت-ءداستۇرى مەن ادەت-عۇرپى بولسا دا ونەردىڭ شەكاراسى, شەتى مەن شەگى جوق. سۋرەتشىلەر تەك وزىندىك كوزقاراسى مەن كەز كەلگەن شابىت تۋدىرعان وبەكتىسى تۋرالى تۇرلىشە كورىپ, سەزىنۋى جانە ونەر ارقىلى سويلەتە الۋىمەن عانا ەرەكشەلەنەدى. بۇگىن ۇلتتىق مۋزەيدە اشىلعان «سۋرەتكە سالىنعان ۋاقىت» كورمەسى ءتۇبى ءبىر تۇركى جۇرتىنان تارالعان قازاق جانە ماجار ۇلتتارىنىڭ ونەرارالىق بايلانىسىن سۋرەتتەيد», دەدى ا.سىدىقوۆ.
ءوز كەزەگىندە ماجارستاننىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى وتتو يۆان رونا العىسىن بىلدىرە وتىرا, كورمەنىڭ ماڭىزدىلىعىن اتاپ ءوتتى.
«قازىرگى تاڭدا قازاقستان مەن ماجارستان اراسىندا مادەني-گۋمانيتارلىق جانە باسقا دا سالالار بويىنشا تىعىز ىنتىماقتاستىق قاتىناستار تۇراقتى دامىپ كەلەدى. بۇگىنگى كورمە دە سونىڭ جارقىن كورىنىسى. ءوزىم ونەرتانۋشى بولماسام دا, سۋرەتشى ءار دەتالعا نازار
اۋدارتۋ ارقىلى تۇتاستاي ءبىر بەينەنى كوز الدىڭا ەلەستەتەدى. يلليۋزياعا تولى تۋىندىلار كورەرمەندەردىڭ كوڭىلىنەن شىعادى دەگەن ويدامىن», دەدى وتتو يۆان رونا.
اتالعان كورمەدە «جاسىرىلعان بەينەلەر», «اينالار مەن شاعىلۋلارى», «بوس» سىندى تۋىندىلار توپتاماسى قويىلدى. سۋرەتشى شىعارماشىلىعىندا ەرەكشە ورىن الاتىن داڭقتى انامورفوزالار دا كورمە قوناقتارىنىڭ نازارىنا ۇسىنىلدى. بۇل – ابستراكتىلى تۋىندىلار, ولاردىڭ شىنايى ماعىناسىن تەك قوس ماعىنالى سۋرەت توڭىرەگىندە تىكەلەي ورناتىلعان ارنايى قۇرىلعىلاردىڭ – كونۋستىق نەمەسە تسيليندرلىك اينالاردىڭ كومەگىمەن تاماشالايدى.
ايتا كەتەيىك, يشتۆان وروس ءداستۇرلى سۋرەت سالۋ تەحنيكاسىندا بەينەلەنگەن ۆيزۋالدى پارادوكستاردى جانە كەڭىستىكتىك ەلەستەردى پايدالانا وتىرىپ, كۇردەلى وپتيكالىق يلليۋزيالار جاسايدى. 1984 جىلدان باستاپ سۋرەتشى گرەك تىلىنەن اۋدارعاندا «ەشكىم» ماعىناسىن بىلدىرەتىن «ۋتيس» (Utisz) لاقاپ اتىن قولدانادى.
كلاسسيكالىق بەينەلەۋ ونەرى مەكتەبىنىڭ شاكىرتى بولا وتىرىپ, يشتۆان وروس عاسىرلار بويى قالىپتاسقان كوركەمدىك داستۇرلەردى, سونداي-اق باتىل جاڭاشىل يدەيالاردى بىرىكتىرەتىن, وزىندىك ەرەكشە, قايتالانباس ستيل جاساعانىن بايقايمىز.
ءىس-شاراعا ديپلوماتيالىق قوعامداستىق وكىلدەرى, قوعام قايراتكەرلەرى مەن سۋرەتشىلەر, زيالى قاۋىم وكىلدەرى قاتىستى.
