اتالمىش سايىسقا قازاقستان ۇلتتىق قۇراماسىنان 5 وقۋشى اتتانسا, سونىڭ ىشىندە ء«بىلىم-يننوۆاتسيا» ليتسەي-ينتەرناتىنىڭ وقۋشىسى ريزابەك الپامىس كۇمىس مەدالعا يە بولدى.
«بارلىق جاتتىقتىرۋشىلار مەن ۇيىمداستىرۋشىلارعا وليمپيادانىڭ ءوتۋ كەزىندە كورسەتكەن قامقورلىقتارى ءۇشىن زور العىسىمدى بىلدىرەمىن. ەڭ باستىسى, ەلىمنىڭ, ماعان سەنگەن جانداردىڭ ءۇمىتى اقتالدى», دەدى IPhO-نىڭ ەكى دۇركىن كۇمىس جۇلدەگەرى ريزابەك الپامىس.
الەمنىڭ 75 ەلىنەن 368 وقۋشى قاتىسقان زياتكەرلىك جارىس 10-17 شىلدە ارالىعىندا قاشىقتىقتان ءوتتى. ۇيىمداستىرۋشى ەل - شۆەيتساريا.
قازاقستان نامىسىن قوعاۋعا اتتانعان قۇراما كومانداسى 5 وقۋشىدان تۇردى. IPhO قاتىسۋشىلارى ءوز بىلىمدەرى مەن داعدىلارىن ەكى تۋردا كورسەتتى. ءبىرىنشىسى ورتا مەكتەپتە وقىتىلاتىن فيزيكانىڭ كەمىندە ءتورت ءبولىمىن قامتيتىن تەوريالىق ماسەلەلەردى شەشۋگە ارنالسا, ەكىنشىسى – ەكسپەريمەنتتىك تۋردا وقۋشىلار زەرتحانالىق جۇمىستاردى ورىندادى. قورىتىندىلار جەكە ەسەپتە شىعارىلدى.
سونداي-اق, ماتەماتيكا ءپانى بويىنشا قازاقستان ۇلتتىق قۇراماسى ماتەماتيكادان حالىقارالىق ءىمو-2022 وليمپياداسىنا قاتىسۋ ءۇشىن نورۆەگيا استاناسى – وسلوعا اتتانعان ەدى.
ءبىلىم بايقاۋىندا اتىراۋ قالاسىنان سايىستا باق سىناعان ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى ادىلەت زاۋىتحان قولاعا يە بولدى.
جارىسقا الەمنىڭ 104 مەملەكەتىنەن 589 وقۋشى قاتىستى. جارىستا قازاقستاننىڭ نامىسىن 6 وقۋشى قورعادى.
بۇعان دەيىن ادىلەت جاراتىلىستانۋ باعىتىنداعى پاندەر بويىنشا رەسپۋبليكالىق وليمپيادادا ماتەماتيكا پانىنەن التىن مەدالدى جەڭىپ الدى. ول سونداي-اق حالىقارالىق تىنىق مۇحيت وليمپياداسىنىڭ, «جىبەك جولى» حالىقارالىق وليمپياداسىنىڭ, حالىقارالىق ماتەماتيكادان بالقان وليمپياداسىنىڭ كۇمىس جۇلدەگەرى اتانىپ ۇلگەردى.
حالىقارالىق ماتەماتيكالىق وليمپيادا – بۇل 1959 جىلدان باستاپ جىل سايىن جوعارى سىنىپ وقۋشىلارى اراسىندا وتكىزىلەتىن العاشقى حالىقارالىق پاندىك وليمپيادالارىنىڭ ءبىرى. قازاقستان وعان 1992 جىلدان بەرى تۇراقتى قاتىسىپ كەلەدى. وليمپيادا قاتىسۋشىلارى ماتەماتيكانىڭ گەومەتريا, الگەبرا, ساندار تەورياسى, كومبيناتوريكا سياقتى بولىمدەرى بويىنشا كۇردەلى 6 ەسەپتى شىعارۋى ءتيىس.
