«100-دەن استام تابيعي مونوپوليا سۋبەكتىلەرىنىڭ تاريفتەرى تۇزەتىلدى, بۇل تۇرعىندارعا 3,2 ميلليارد تەڭگەدەن استام قارجى ۇنەمدەۋگە مۇمكىندىك بەردى. بۇگىنگى تاڭدا موراتوري اياقتالدى. ەكىنشى جارتىجىلدىقتا تاريفتەر وسى جىلدىڭ ينفلياتسيالىق ءدالىزى اياسىندا وزگەرەدى», دەدى تيمۋر جاقسىلىقوۆ.
تۇتىنۋشىلار مەن تابيعي مونوپوليالار سۋبەكتىلەرىنىڭ مۇددەلەرىن تەڭگەرۋ, سونداي-اق كوممۋنالدىق قىزمەتتەرگە تاريفتەردىڭ كۇرت وسۋىنە جول بەرمەۋ ماقساتىندا مينيسترلىك مىناداي شارالاردى قابىلدايدى:
-
قاراجاتتىڭ ماقساتتى پايدالانىلۋىن باقىلاۋ;
-
تۇرعىن ءۇي كومەگىنىڭ تەتىكتەرىن جەتىلدىرۋ;
-
وڭىردەگى قازىرگى الەۋمەتتىك-ەكونوميكالىق جاعدايدى ەسكەرە وتىرىپ, ءاربىر ايماققا جەكە كوزقاراس.
