وتكەن تاۋلىكتە ساعات 22:06-دا اقتوبە وبلىستىق تجد كەزەكشىلىك-ديسپەتچەرلىك باسقارۋ پۋلتىنە قالاداعى «Tropicana» جاعاجايىندا ەر ادامنىڭ سۋعا باتىپ كەتكەنى تۋرالى اقپارات ءتۇستى.
شاقىرتۋ ورنىنا جەتكەن قۇتقارۋشىلار 27 جاستاعى جەرگىلىكتى تۇرعىننىڭ جەكە جاعاجايدا سۋعا كەتكەنىن انىقتادى. ونىڭ دەنەسى جاعادان 10 مەتر قاشىقتا 2 مەتر تەرەڭدىكتەن شىعارىلدى.
«كەشە مۇعالجار اۋدانى قۇمجارعان اۋىلدىق وكرۋگىنە قاراستى شەڭگەلشى اۋىلىندا جەم وزەنىنە 34 جاستاعى ەر ادام باتىپ كەتتى. الماتى وبلىسى تالدىقورعان قالاسى تۇرعىنىنىڭ دەنەسى 4 مەتر تەرەڭدىكتەن شىعارىلدى», دەلىنگەن وبلىستىق تجد حابارلاماسىندا.
