كەلىسىم كەلىسسوزدەردەن باستالادى

تاياۋدا  “KAZNEX ءىNVEST” ەكسپورت جانە ينۆەستيتسيالار جونىندەگى ۇلتتىق اگەنتتىك” اق باسشىلىعى قازاقستانعا جۇمىس ساپارىمەن كەلگەن اۆستريا ماشينە جاساۋشىلار وداعى دەلەگاتسياسىمەن كەزدەستى. كەزدەسۋ بارىسىندا تاراپتار ۇدەمەلى يندۋس­تريالىق-يننوۆاتسيالىق دامۋ باعدارلاماسى اياسىندا قىزمەتتەستىكتى وربىتۋگە دەگەن ءوز مۇددەلىلىكتەرىن ءبىلدىردى. “KAZNEX ءىNVEST” اق باسقارما توراعاسىنىڭ ورىنباسارى مەيىرجان مايكەنوۆ اۆستريالىق دەلەگاتسياعا مەملەكەتتىڭ وتاندىق ەكسپورتتاۋشىلارعا كورسەتىپ جاتقان قولداۋ شارالارى تۋرالى باياندادى. ول قازىرگى ۋاقىتتا ەكسپورتتاعى شيكىزات ۇلەسىنىڭ  28-30 پايىزدى قۇرايتىنىن,  دەگەنمەن ۇكىمەتتىڭ بۇل كورسەت-كىشتى تاياۋداعى بىرنەشە جىل ىشىندە 40 پايىزعا دەيىن جەتكىزۋدى كوزدەپ وتىرعانىن اتاپ كورسەتتى. ەكسپورتتاۋشىلارعا سەرۆيستىك قولداۋ كورسەتە وتىرىپ “KAZNEX ءىNVEST” اق قازاق­ستاندىق مامانداردىڭ شەتەلدەردە تاجىريبەدەن ءوتۋىن ۇيىمداستىرادى, ارىپتەس ەلدەردە ساۋدا ميسسيالارىن وتكىزەدى, الەمدىك رىنوكتاردان وتاندىق تاۋار وندىرۋشىلەر ءۇشىن بوس ورىندار تابۋ ءۇشىن ماركەتينگتىك جانە ساراپتامالىق جۇمىستار جۇرگىزەدى. ونىڭ سىرتىندا بيىلدان باستاپ قازاقستاندىق ءونىم وندىرۋشىلەر سىرتقى رىنوكتارعا شىققان كەزدە شەگەتىن شىعىنداردىڭ ورنىن تولتىرۋ تەتىگى دە ىسكە قوسىلاتىن بولادى. “KAZNEX ءىNVEST”  اق  باسقارما  توراعاسىنىڭ  ورىنباسارى تيمۋر نۇراشەۆ اۆستريالىق بيزنەسمەندەرگە ۇدەمەلى يندۋس­تريالىق-يننوۆاتسيالىق دامۋ باعدارلاماسى شەڭبەرىندە شەتەلدىك ينۆەستورلارعا ءتۇرلى پرەفەرەنتسيالار مەن جەڭىلدىكتەردىڭ بەرىلەتىنى تۋرالى دا حابارلادى.  ماسەلەن, زاۋىت سالۋ ءۇشىن قاجەتتى جابدىقتار اكەلگەن كەزدە كەدەندىك باج سالىعىنىڭ نولدىك ستاۆكاسى قولدانى­لاتىن بولادى. ءوز كەزەگىندە اۆستريالىق بيزنەس وكىلدەرى وسىنداۋ تانىسۋ ساپارى بارىسىندا وزدەرىنىڭ ءتۇرلى باعىتتارداعى قىزمەتتەستىك جونىندە جەمىستى كەلسسوزدەر جۇرگىزگەندىكتەرىن, بەلگىلى ءبىر سالالار بويىنشا وزدەرىنىڭ قىزمەتتەستىككە ءازىر ەكەندىكتەرىن اتاپ ءوتتى. ءسوز ورايىندا اۆستريا ماشينە جاساۋشى-لار وداعىنىڭ  ءوز ەلىندەگى 1600-دەن استام كومپانيالاردىڭ مۇددەلەرىن بىلدىرەتىنىن دە ايتا كەتۋ قاجەت. س.الماسوۆ.