بقو سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگتە ءمالىم ەتكەنىندەي, الدىڭعى اپتادا 8 ادامنان ۆيرۋس تابىلسا, 7-13 شىلدە ارالىعىندا 29 ناۋقاس تىركەلدى.
شىلدە ايىندا 37 ادام سىرقاتتانسا, سونىڭ 25-ءى نەمەسە 67 پايىزى ورال قالاسىنىڭ ۇلەسىنە تيەدى. سونداي-اق ءبورلى اۋدانىندا 4 (11 پايىز), بايتەرەكتە 4 (11 پايىز), جاڭاقالادا 2 (5 پايىز), تاسقالا مەن كازتالوۆتا 1 ناۋقاستان تىركەلدى. جالپى, جىل باسىنان بەرى 9 627 ادامنان كوروناۆيرۋس انىقتالدى.
«وبلىستا ۆاكتسيناتسيا باستالعاننان بەرى ەگىلۋگە ءتيىستى 414 390 تۇرعىننىڭ 67 پايىزى (277 702) ءبىرىنشى, 65 پايىزى (269 531) ەكىنشى كومپونەنتتى قابىلدادى. سونداي-اق رەۆاكتسيناتسياعا جاتاتىن 200 308 تۇرعىننىڭ 100 884-ءى نەمەسە 50,4 پايىزى ەگىلدى. وعان قوسا 5 317 ادام قايتا رەۆاكتسيناتسيالاۋدان ءوتتى. سونىمەن قاتار جاسوسپىرىمدەر, جۇكتى جانە بالا ەمىزەتىن ايەلدەردى ەگۋ جۇمىستارى جالعاسۋدا. ىندەتتىڭ قايتا باس كوتەرۋىنە بايلانىستى ۋاقتىلى ەكپە الۋدىڭ ماڭىزى زور. وڭىردە ۆاكتسينا قورى جەتكىلىكتى», دەدى ن.مۇستاەۆ.
