تاريحشىلارىمىز تاراز اتاۋىنىڭ تالاس سوزىنەن شىققانىن باياعىدا-اق دالەلدەگەن. شىنىندا, ىرگەسىندە ارقىراپ اعىپ جاتقان تالاس وزەنى مەن تىرشىلىگى قايناپ جاتقان كونە قالانىڭ اراسىندا ءبىر جاقىندىق, بايلانىس بولماۋى مۇمكىن ەمەس. بىلايشا ايتقاندا, تالاس پەن تاراز – ەگىز. بىراق, نەگە ەكەنىن قايدام, وتكەن عاسىردىڭ 50-60-جىلدارى وسى شاھاردىڭ باس جوسپارىن جاساعان ساۋلەتشى ماماندار داريا مەن قاريا قالانىڭ اراسىن الىستاتىپ تاستاعان. سوناۋ لەنينگرادتان كەلگەن مامانداردى وزەننەن بۇرىن ءوندىرىس ماسەلەسى قاتتى قىزىقتىرعان بولۋى كەرەك, ايتەۋىر, سول جىلدارى تالاستىڭ بويىنان كوپتەگەن زاۋىت پەن فابريكالار تۇرعىزىلدى. ءسويتىپ, ءاپ-ادەمى وزەن قالا ومىرىنە ەشقانداي دا ءسان بەرە الماي, ارالارىن الىپ-الىپ عيماراتتار ءبولىپ تاستادى.
وسى ماسەلە وبلىس باسشىلارىن قاتتى ويلاندىرعانى انىق. ءوزىڭىز قاراڭىزشى, تالاس پەن تارازدىڭ قاتار جاتۋى بۇل اللانىڭ ادام بالاسىنا بەرگەن سىيى عوي. الەمگە ايگىلى ءىرى قالالار, ماسكەۋ, سانكت-پەتەربۋرگ, ءتىپتى ءوزىمىزدىڭ استانامىزدىڭ دا اجارىن قاق جارىپ اعىپ جاتقان وزەندەر اشىپ, كوركىن اسىرىپ وتىر ەمەس پە؟ مىنە, وسى ولقىلىقتىڭ ورنىن 2010 جىلى بەكىتىلگەن تاراز قالاسىنىڭ باس جوسپارى تولتىراتىن بولدى. وبلىستىق ساۋلەت جانە قالا قۇرىلىسى باسقارماسىنىڭ باسشىسى ەرجان احمەتوۆتىڭ ايتۋىنا قاراعاندا, كەلەسى جىلى تالاس وزەنىنىڭ بويىنان, ياعني تارازعا الماتى قالاسى جاعىنان كىرەتىن قاقپا ماڭىنان جاڭا ىقشام اۋداننىڭ قۇرىلىسى باستالماق. ءدال قازىر جاڭا ۇيلەر تۇسەتىن ورىننىڭ جەرلەرىن مەملەكەتتىك قاجەتتىلىككە بايلانىستى شارۋاشىلىقتاردان ساتىپ الۋ جۇمىستارى ءجۇرىپ جاتىر. ول ماقساتقا 100 ميلليون تەڭگەدەي قاراستىرىلىپتى. ارينە, جاڭا اۋدان وزىندىك كەلبەتىمەن ەرەكشەلەنىپ, ول ءۇشىن ساۋلەت ونەرىنىڭ سوڭعى جەتىستىكتەرى پايدالانىلاتىنى ايدان انىق. باسقارما باسشىسىنان ازىرگە بىلگەنىمىز, بۇل اۋداندا 9 قاباتتى 28 ءۇي تۇرعىزۋ جوسپارلانىپ وتىر ەكەن. ەڭ ەرەكشەلىگى, وزەننىڭ بويىنان بيىك ۇيلەردى قالقيتىپ تۇرعىزا سالماي, وسى ماڭنان ۇلكەن ساياباق اشىلىپ, تالاس پەن تارازدىڭ تىرشىلىگى بىتە قايناسىپ جاتاتىن بولادى.
كوكتەمنىڭ كوركى ەرەكشە عوي. وسىناۋ كوكپەڭبەك دۇنيەنى ادامداردىڭ تازالىعى مەن مادەنيەتى تىپتەن شىرايلاندىرا تۇسەدى. تال-داراعى مول, كوشەلەرى كەڭ, تازالىقتى نەگىزگى مىندەتى دەپ سانايتىن تارازدىڭ قازىرگى كەلبەتىن كورىپ تىنىسىڭ اشىلادى. ايتسە دە, ساۋلەتشى مامانداردىڭ ايتقانىنا سەنسەك, كونە قالانىڭ كوركى مەن باعىنىڭ بۇدان دا اشىلا تۇسەتىن ءساتى ءالى الدا.
ورالحان ءداۋىت,
«ەگەمەن قازاقستان».
جامبىل وبلىسى.
سۋرەتتەردى تۇسىرگەن اعادىل رىسماحان.
وسى ماسەلە وبلىس باسشىلارىن قاتتى ويلاندىرعانى انىق. ءوزىڭىز قاراڭىزشى, تالاس پەن تارازدىڭ قاتار جاتۋى بۇل اللانىڭ ادام بالاسىنا بەرگەن سىيى عوي. الەمگە ايگىلى ءىرى قالالار, ماسكەۋ, سانكت-پەتەربۋرگ, ءتىپتى ءوزىمىزدىڭ استانامىزدىڭ دا اجارىن قاق جارىپ اعىپ جاتقان وزەندەر اشىپ, كوركىن اسىرىپ وتىر ەمەس پە؟ مىنە, وسى ولقىلىقتىڭ ورنىن 2010 جىلى بەكىتىلگەن تاراز قالاسىنىڭ باس جوسپارى تولتىراتىن بولدى. وبلىستىق ساۋلەت جانە قالا قۇرىلىسى باسقارماسىنىڭ باسشىسى ەرجان احمەتوۆتىڭ ايتۋىنا قاراعاندا, كەلەسى جىلى تالاس وزەنىنىڭ بويىنان, ياعني تارازعا الماتى قالاسى جاعىنان كىرەتىن قاقپا ماڭىنان جاڭا ىقشام اۋداننىڭ قۇرىلىسى باستالماق. ءدال قازىر جاڭا ۇيلەر تۇسەتىن ورىننىڭ جەرلەرىن مەملەكەتتىك قاجەتتىلىككە بايلانىستى شارۋاشىلىقتاردان ساتىپ الۋ جۇمىستارى ءجۇرىپ جاتىر. ول ماقساتقا 100 ميلليون تەڭگەدەي قاراستىرىلىپتى. ارينە, جاڭا اۋدان وزىندىك كەلبەتىمەن ەرەكشەلەنىپ, ول ءۇشىن ساۋلەت ونەرىنىڭ سوڭعى جەتىستىكتەرى پايدالانىلاتىنى ايدان انىق. باسقارما باسشىسىنان ازىرگە بىلگەنىمىز, بۇل اۋداندا 9 قاباتتى 28 ءۇي تۇرعىزۋ جوسپارلانىپ وتىر ەكەن. ەڭ ەرەكشەلىگى, وزەننىڭ بويىنان بيىك ۇيلەردى قالقيتىپ تۇرعىزا سالماي, وسى ماڭنان ۇلكەن ساياباق اشىلىپ, تالاس پەن تارازدىڭ تىرشىلىگى بىتە قايناسىپ جاتاتىن بولادى.
كوكتەمنىڭ كوركى ەرەكشە عوي. وسىناۋ كوكپەڭبەك دۇنيەنى ادامداردىڭ تازالىعى مەن مادەنيەتى تىپتەن شىرايلاندىرا تۇسەدى. تال-داراعى مول, كوشەلەرى كەڭ, تازالىقتى نەگىزگى مىندەتى دەپ سانايتىن تارازدىڭ قازىرگى كەلبەتىن كورىپ تىنىسىڭ اشىلادى. ايتسە دە, ساۋلەتشى مامانداردىڭ ايتقانىنا سەنسەك, كونە قالانىڭ كوركى مەن باعىنىڭ بۇدان دا اشىلا تۇسەتىن ءساتى ءالى الدا.
ورالحان ءداۋىت,
«ەگەمەن قازاقستان».
جامبىل وبلىسى.
سۋرەتتەردى تۇسىرگەن اعادىل رىسماحان.
