«اۆتوجول سالاسىنا تۇبەگەيلى رەفورما جاسايتىن ۋاقىت جەتتى. قازىر ەلىمىزدەگى جولدىڭ جاي-كۇيىن ەكى نەگىزگى وپەراتور قاداعالاپ, قىزمەت كورسەتەدى. تۋراسىن ايتساق, ەكەۋى دە ءبىر جۇمىستى اتقارىپ وتىر, جۇمىسشىلارىنىڭ سانى دا قاجەتتى شامادان ارتىق. سوعان قاراماستان ازاماتتاردان كەلىپ جاتقان ورىندى ارىز-شاعىمدار ازايار ەمەس, ال جولدىڭ ساپاسى مۇلدە سىن كوتەرمەيدى», دەدى مەملەكەت باسشىسى ۇكىمەتتىڭ كەڭەيتىلگەن وتىرىسىندا.
وسى ورايدا ول ۇكىمەتكە «قازاۆتوجول» مەن «كازاحاۆتودوردى» بىرىكتىرىپ, قازاقستاننىڭ ءبىرتۇتاس اۆتوجول كومپانياسىن قۇرۋدى تاپسىردى.
