نۇر-سۇلتان قالاسىنىڭ ءبىلىم باسقارماسى قارا-كوك ءتۇستى بىرىڭعاي مەكتەپ فورماسى ەنگىزىلگەنىن حابارلادى.
بىرىڭعاي مەكتەپ فورماسى بەكىتىلگەننەن كەيىن قالا مەكتەپتەرىنىڭ باسشىلارى اتا-انالاردى جالپى مەكتەپتىك اتا-انالار جينالىستارىندا فورمانىڭ سايكەستىگى جونىندەگى تالاپتارمەن تانىستىرۋى ءتيىس.
اتا-انالار مەكتەپ فورماسىن ءوز قالاۋى بويىنشا تاڭدايدى. ەڭ باستىسى, ساتىپ الىنعان فورما تالاپتارعا ساي بولۋى كەرەك.
مەكتەپ فورماسىنىڭ ءتۇسى – قويۋ كوك.
مەكتەپ فورماسىنىڭ ءستيلى كلاسسيكالىق ستيلدە جاسالعان.
ۇلدارعا ارنالعان مەكتەپ فورماسى مىنالاردى قامتيدى:
- پيدجاك, جيلەت, شالبار, اق سالتاناتتى جەيدە, كۇندەلىكتى اق جەيدە (سۋىق مەزگىلدە: تريكوتاج جيلەت, اق ۆودولازكا). ۇلدارعا ارنالعان ەركىن پىشىلگەن شالبارلار ۇزىندىعى بويىنشا اياقتىڭ توبىعىن جابۋى ءتيىس.
قىزدارعا ارنالعان مەكتەپ فورماسى مىنالاردى قامتيدى:
- پيدجاك, كوكىرەكشە, يۋبكا, شالبار, كلاسسيكالىق اق بلۋزكا, سارافان (سۋىق مەزگىلدە: توقىلعان كوكىرەكشە). قىزدارعا ارنالعان شالبارلار ەركىن ءپىشىلىپ, ۇزىندىعى بويىنشا توبىقتى جابۋى كەرەك, بەلدەمشەنىڭ ۇزىندىعى - كەڭسەلىك, تىزەدەن 5 سم تومەن.
ايتا كەتسەك, مەكتەپ فورماسىنا ءتۇرلى كونفەسسيالاردىڭ ءدىني كيىم ەلەمەنتتەرىن ەنگىزۋگە جول بەرىلمەيدى.
مەكتەپ فورماسىنا ورتا ءبىلىم بەرۋ ۇيىمدارىنىڭ ايىرىم بەلگىلەرى (ەمبلەما, جاپسىرما جانە ت.ب.) ورنالاستىرىلادى. ولار كيىمنىڭ نەمەسە اكسەسسۋاردىڭ (پيدجاك, جيلەت) سىرتقى بولىگىنە ورنالاستىرىلادى. ەمبلەمانىڭ ەسكيزىن مەكتەپتە الۋعا نەمەسە مەكتەپ سايتىندا جۇكتەۋگە بولادى.
مەكتەپ فورماسىنا قويىلاتىن تالاپتار جاراقاتتايتىن فۋرنيتۋراسى بار كيىم مەن اكسەسسۋارلاردى كيۋگە جول بەرمەيدى.
قۇجاتتىڭ تولىق ماتىنىمەن مىنا سىلتەمە ارقىلى تانىسۋعا بولادى.
