«2022 جىلعى 11 شىلدەدە كاسپي يتبالىعى اقتاۋ قالاسىنداعى جاعاجاي جاعالاۋىنا شىقتى. جانۋار كۇن ساۋلەسىندە شامامەن 40 مينۋت جىلىنىپ, سودان كەيىن سۋعا ورالىپ, ءجۇزىپ كەتتى. بۇل رەتتە, جانۋاردىڭ ساۋلىعىن جانە قانداي دا ءبىر جاراقات الماعانى تۋرالى ايتۋعا بولادى. جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسىنا كاسپي تەڭىزىنىڭ جاعالاۋ بەلدەۋىنە مونيتورينگتى كۇشەيتۋ تاپسىرىلدى. 2020 جىلدان باستاپ كاسپي يتبالىعى سيرەك كەزدەسەتىن جانە قۇرىپ كەتۋ قاۋپى تونگەن جانۋارلار تۇرلەرىنىڭ تىزبەسىنە ەنگىزىلگەنىن ەسكە سالا كەتەيىك», دەلىنگەن حابارلامادا.
سونداي-اق وندا جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىمەن زاڭسىز اينالىسقانى ءۇشىن قىلمىستىق جاۋاپتىلىق كوزدەلگەنى جانە قۇقىقبۇزۋشى مۇلكى تاركىلەنىپ, بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان 5 جىلعا دەيىنگى مەرزىمگە ايىرىلادى.
زاڭ بۇزعان ادامعا 3000 اەك دەيىنگى مولشەردە ايىپپۇل سالىنىپ, نە 800 ساعاتقا دەيىنگى مەرزىمگە قوعامدىق جۇمىستارعا جەگىلەدى, نە 3 جىلعا دەيىنگى مەرزىمگە باس بوستاندىعى شەكتەلىپ, نە سول مەرزىمگە باس بوستاندىعىنان ايىرىلۋى مۇمكىن.
«سونىمەن قاتار, قر قك-ءنىڭ 316-بابىمەن جانۋاردىڭ مەرتىگۋىنە اكەپ سوققان قاتىگەزدىگى ءۇشىن جاۋاپكەرشىلىك كوزدەلگەن», دەپ قوستى ۆەدومستۆونىڭ ءباسپاسوز قىزمەتى.
