كتك اقپاراتىنا سايكەس, پروكۋرور ءار سوتتالۋشىنى 19-25 جىلعا قاماۋدى سۇراعان, بىراق سوت كۇتپەگەن شەشىم شىعاردى.
ايىپتالۋشىلار اقتالىپ, سوت زالىندا بوساتىلدى.
ولار بىردەن بىرنەشە باپ بويىنشا ايىپتالدى - ترانسۇلتتىق ۇيىمداسقان توپ قۇرۋ, زاڭسىز اقشا كونترابانداسى جانە زاڭداستىرۋ.
تەرگەۋ مالىمەتتەرى بويىنشا, ەر ادامدار جاپونيادان قازاقستانعا قوسالقى بولشەكتەر تۇرىندە 300 ميلليون تەڭگەگە جۋىق 250-دەن استام كولىك ايداپ اكەتكەن. كولىكتەر جالعان قۇجاتتارمەن راسىمدەلىپ ساتىلعان.
سوتتالۋشىلار ءوز كىناسىن مويىندامادى.
سوت ولاردى شەتەلدىك كولىكتەردى جەتكىزگەن جۇرگىزۋشىلەر دەپ تاپتى.
سقو قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى ەرلان نۇرشارىپوۆتىڭ ايتۋىنشا, ۇكىم زاڭدى كۇشىنە ەنگەننەن كەيىن ولار قىلمىستىق قۋدالاۋ ورگاندارىنىڭ زاڭسىز ارەكەتتەرى ءۇشىن مورالدىق زياندى وتەۋدى تالاپ ەتە الادى.
