قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №75

2014 جىلعى 13 ناۋرىز, استانا قالاسى «جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنىڭ تۇرلەرى قىزمەتىنىڭ ۇلگىلىك قاعيدالارىن بەكىتۋ تۋرالى» ءبىلىم جانە عىلىم ءمينيسترىنىڭ 2013 جىلعى 18 ماۋسىمداعى № 229 بۇيرىعىنا وزگەرىستەر مەن تولىقتىرۋلار ەنگىزۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابى 44-5) تارماقشاسىنا سايكەس بۇيىرامىن: 1. «جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنىڭ تۇرلەرى قىزمەتىنىڭ ۇلگىلىك قاعيدالارىن بەكىتۋ تۋرالى» ءبىلىم جانە عىلىم ءمينيسترىنىڭ 2013 جىلعى 18 ماۋسىمداعى № 229 بۇيرىعىنا (قازاقستان رەسپۋبليكاسىنىڭ نورماتيۆتىك-قۇقىقتىق اكتىلەرىن مەملەكەتتىك تىركەۋ تىزىلىمىندە №8544 تىركەلگەن, 2013 جىلعى 4 قىركۇيەكتە № 265 (27539) «ەگەمەن قازاقستان» گازەتىندە جاريالانعان) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن بۇيرىقپەن بەكىتىلگەن كامەلەتكە تولماعانداردىڭ بەيىمدەۋ ورتالىقتارىندا كامەلەتكە تولماعاندارى ۇستاۋ قاعيدالارىندا: 4-تارماق مىناداي رەداكتسيادا جازىلسىن: «4. ورتالىقتىڭ نەگىزگى ماقساتى قاداعالاۋسىز جانە پاناسىز قالعان جانە اتا-اناسىنىڭ قامقورلىعىنسىز قالعان بالالاردى, ارناۋلى ءبىلىم بەرۋ ۇيىمدارىنا جىبەرىلەتىن كامەلەتكە تولماعانداردى, سونداي-اق قاتىگەزدىك سالدارىنان الەۋمەتتىك بەيىمسىزدىك پەن الەۋمەتتىك دەپريۆاتسياعا اكەلىپ سوعاتىن ومىرلىك قيىن جاعدايعا تاپ بولعان بالالاردى قابىلداۋدى, ۋاقىتشا كۇتىپ باعۋدى, بەيىمدەۋدى جانە ءارى قاراي ورنالاستىرۋدى قامتاماسىز ەتۋ بولىپ تابىلادى.»; 8-تارماق مىناداي مازمۇنداعى 4) تارماقشامەن تولىقتىرىلسىن: «4) قاتىگەزدىك سالدارىنان الەۋمەتتىك بەيىمسىزدىك پەن الەۋمەتتىك دەپريۆاتسياعا اكەلىپ سوعاتىن ومىرلىك قيىن جاعدايعا تاپ بولعان بالالار.»; 9, 10 جانە 11 - تارماقتار مىناداي رەداكتسيادا جازىلسىن: «9. كامەلەتكە تولماعانداردى ورتالىققا ورنالاستىرۋ ءۇشىن: 1) وسى قاعيدانىڭ 8-تارماعىنىڭ 3) تارماقشاسىندا اتالعان كامەلەتكە تولماعاندارعا قاتىستى سوت قاۋلىسى; 2) وسى قاعيدانىڭ 8-تارماعىنىڭ 1), 2) جانە 4) تارماقشالارىندا كورسەتىلگەن كامەلەتكە تولماعاندارعا قاتىستى ورگاننىڭ قاۋلىسى. 3) وسى قاعيدانىڭ 8-تارماعىنىڭ 4) تارماقشاسىندا كورسەتىلگەن كامەلەتكە تولماعاندى (ولاردى) ورتالىققا جەتكىزگەن ادامنىڭ ءوتىنىشى نەگىز بولىپ تابىلادى. كامەلەتكە تولماعاندى ورتالىققا ورنالاستىرۋ تۋرالى قامقورشىلىق جانە قورعانشىلىق ورگانىنىڭ قاۋلىسىنا مىندەتتى تۇردە: 1) تۇرعىن ءۇي-تۇرمىستىق جاعدايلارىن زەرتتەۋ اكتىسى (تۇرعىلىقتى جەرى انىقتالعان جاعدايدا); 2) كامەلەتكە تولماعاننىڭ, سونداي-اق ونىڭ اتا-اناسىنىڭ نەمەسە باسقا زاڭدى وكىلدەرىنىڭ مىنەزدەمەسى (تۇرعىلىقتى جەرى انىقتالعان جاعدايدا); 3) تۋ تۋرالى كۋالىگى (بار بولعان جاعدايدا); 4) ءبىلىم بەرۋ ۇيىمىنان انىقتاما (مەكتەپ جاسىنداعى بالالار ءۇشىن); 5) مەديتسينالىق قۇجاتتار (ەگۋ قۇجاتى جانە امبۋلاتورلىق كارتاسى بار بولعان جاعدايدا) تىركەلەدى. 10. تۇنگى ۋاقىتتا, دەمالىس نەمەسە مەرەكە كۇندەرى وسى قاعيدانىڭ 8-تارماعىنىڭ 1), 2) جانە 4) تارماقشالارىندا كورسەتىلگەن كامەلەتكە تولماعاندار وسى قاعيدانىڭ 1-قوسىمشاسىنا سايكەس نىسان بويىنشا ورتالىققا كامەلەتكە تولماعانداردى قابىلداۋدىڭ اكتىسى نەگىزىندە قابىلدانىپ, ول تۋرالى ورتالىقتىڭ اكىمشىلىگى جيىرما ءتورت ساعات ىشىندە جازباشا تۇردە پروكۋراتۋرا ورگاندارىن حاباردار ەتۋگە مىندەتتى. 11. وسى قاعيدانىڭ 8-تارماعىنىڭ 1), 2) جانە 4) تارماقشالارىندا كورسەتىلگەن كامەلەتكە تولماعانداردى ودان ءارى كۇتىپ باعۋ نە ورنالاستىرۋ تۋرالى ماسەلەنى شەشۋ ءۇشىن ورتالىقتىڭ قىزمەتكەرلەرى ءۇش تاۋلىك ىشىندە قورعانشىلىق جانە قامقورشىلىق ورگانىنا پاناسىزدىق, قاداعالاۋسىزدىق بەلگىلەرى بولۋىن نەگىزدەيتىن, قامقورشىسىز قالعانىن نە بولماسا بالانىڭ ءومىرى مەن دەنساۋلىعىنا تىكەلەي قاۋىپ تونگەنى تۋرالى اقپاراتتى ۇسىنادى.»; 15-تارماق مىناداي رەداكتسيادا جازىلسىن: «15. وسى قاعيدانىڭ 8-تارماعىنىڭ 1), 2) جانە 4) تارماقشالارىندا كورسەتىلگەن كامەلەتكە تولماعاندار ولارعا كومەك كورسەتۋ جانە ودان ءارى ورنالاستىرۋ ماسەلەلەرىن شەشۋ ءۇشىن قاجەتتى ۋاقىتقا, بىراق ءۇش ايدان اسپايتىن مەرزىمگە ورنالاستىرىلادى.»; وسى قاعيدالاردىڭ 3-قوسىمشاسى وسى بۇيرىقتىڭ قوسىمشاسىنا سايكەس جاڭا رەداكتسيادا جازىلسىن. 2. بالالاردىڭ قۇقىقتارىن قورعاۋ كوميتەتى (ر. پ. شەر): 1) وسى بۇيرىقتىڭ زاڭنامادا بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا رەسمي جاريالاسىن جانە ونى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرستارىنا ورنالاستىرسىن. 3. وسى بۇيرىقتىڭ ورىندالۋىن باقىلاۋ بالالاردىڭ قۇقىقتارىن قورعاۋ كوميتەتىنىڭ ءتورايىمى ر. پ. شەرگە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا. ءسارىنجىپوۆ. قازاقستان رەسپۋبليكاسى ءبىلىم جانە عىلىم ءمينيسترىنىڭ 2014 جىلعى 13 ناۋرىزداعى №75 بۇيرىعىنا قوسىمشا قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 18 ماۋسىمداعى № 229 بۇيرىعىمەن بەكىتىلگەن كامەلەتكە تولماعانداردىڭ بەيىمدەۋ ورتالىقتارىندا كامەلەتكە تولماعانداردى ۇستاۋ قاعيداسىنا 3-قوسىمشا نىسان № ___ ەسەپكە الۋ - ستاتيستيكالىق كارتوچكاسى 1. تەگى ______________________________________________________________ 2. اتى ______________________________________________________________ 3. اكەسىنىڭ اتى (بار بولعان جاعدايدا)__________________________________ 4. تۋعان كۇنى, ايى, جىلى جانە تۋعان جەرى ________________________________ 5. تۇراتىن جەرى _______________________________________________________ ___________________________________________________________________ 6. ءبىلىمى_____________________________________________________________ (وقۋ ورنى, سىنىپ, توپ) 7. اتا-اناسى تۋرالى مالىمەتتەر _______________________________________ _____________________________________________________________________ (تەگى, اتى, اكەسىنىڭ اتى (بار بولعان جاعدايدا), ______________________________________________________________________ تۋعان كۇنى, ايى, جىلى, تۇراتىن جەرى, جۇمىسى) 8. ورنالاستىرۋ نەگىزى (كەرەگىن سىزۋ كەرەك):وسى قاعيدانىڭ 8-تارماعىنىڭ 3) تار­ماقشاسىندا كورسەتىلگەن كامەلەتكە تولماعاندارعا قاتىستى سوت قاۋلىسى; وسى قاعيدانىڭ 8-تارماعىنىڭ 1) جانە 2) تارماقشالارىندا كورسەتىلگەن كامەلەتكە تولماعاندارعا قاتىستى قامقورشىلىق جانە قورعانشىلىق ورگانىنىڭ قاۋلىسى نەگىز بولىپ تابىلادى; وسى قاعيدانىڭ 8-تارماعىنىڭ 4) تارماقشاسىندا كورسەتىلگەن كامەلەتكە تولماعاندى (داردى) ورتالىققا جەتكىزگەن تۇلعانىڭ ءوتىنىشى. 9. ىشكى ىستەر ورگاندارىندا ەسەپتە تۇردى ما: ء(يا, جوق) _______________________ _____________________________________________________________________ 10. قىلمىستىق جاۋاپكەرشىلىككە تارتىلدى ما: ء(يا, جوق) ____________________ ____________________________________________________________________ 11. ەرەكشە بەلگىلەرى___________________________________________________ _____________________________________________________________________ _____________________________________________________________________ __________________ ___________________________________________________ ەسكەرتپە: ەسەپكە الۋ-ستاتيستيكالىق كارتوچكاسىنىڭ كەلەسى جاعى № ر/ب كەلگەن كۇنى كەتكەن كۇنى كىمگە جانە قاشان بەردى ەسەپكە الۋ ءىسىنىڭ ءنومىرى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 12 ءساۋىر­دەگى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9328 بولىپ ەنگىزىلدى.