وبلىستىق توتەنشە جاعدايلار دەپارتامەنتىنىڭ مالىمەتىنشە, وبلىس ورتالىعىنداعى «گاۋحارتاس» تۇرعىن ءۇي كەشەنىندە ءىرى ءورت بولعان.
«وقيعا ورنىنا العاشقى ءورت ءسوندىرۋ بولىمشەلەرى جەتتى. ولار جالپى اۋدانى 1200 شارشى مەتر ەكى قاباتتى ءۇيدىڭ شاتىرى مەن ەكىنشى قاباتى تولىعىمەن ورتەنىپ جاتقانىن انىقتادى. ءورتتى سوندىرۋگە 97 ادام مەن 25 تەحنيكا جۇمىلدىرىلدى», دەلىنگەن حابارلامادا.
كۋاگەرلەردىڭ ايتۋىنشا, پاتەرلەردىڭ بىرىندە ۇزارتقىش ەلەكتر قۇرىلعىدا قىسقا تۇيىقتالۋ بولىپ, تۇرمىستىق زاتتار مەن جيھاز ورتەنگەن.
ءورت ءسوندىرىلدى. قازا بولعاندار مەن زارداپ شەككەندەر جوق.
