بالەن جەردىڭ بالى, تۇگەن جەردىڭ مالى دەگەندەي, ءوڭىردى كوپشىلىككە تانىتاتىن تاۋارى. تانىتقانى ءوز الدىنا, جەرگىلىكتى جەردىڭ دامۋىنا دا ۇلكەن ۇلەس قوسادى. رەسمي دەرەكتەرگە سۇيەنسەك, بىلتىر شىعىس قازاقستاننىڭ ىشكى ءونىمى بەس تريلليون تەڭگەنى قۇراسا, شاعىن جانە ورتا بيزنەستىڭ ۇلەسى شامامەن 20%-عا جەتكەن ەكەن. ال بەس جىل بۇرىن تەك 17% بولىپتى. دەمەك شىعىستىڭ ءاربىر ءۇشىنشى تۇرعىنى شاعىن جانە ورتا بيزنەسپەن اينالىسادى دەۋگە بولادى.
بۇگىنگى بايقاۋدا وتاندىق برەند قالىپتاستىرماق نيەتتە ەلەۋلى ەڭبەك ەتىپ جۇرگەن كاسىپكەرلەر ءوز تاۋارلارىن ارقالاپ وسكەمەنگە كەلگەن. ءىس-شارانىڭ باستى ماقساتى دا جەرگىلىكتى وندىرۋشىلەردى قولداۋ, ەلدەگى ءوندىرىستىڭ دامۋىنا سەرپىن بەرۋ ەدى.
– بىزدە ەجەلگى گرۋزين تەحنولوگيالارى بويىنشا جاسالعان تابيعي ونىمدەر بار. ايتالىق, سۋلۋگۋني, برىنزا, ادىگەي ىرىمشىكتەرىن ءوندىرىپ وتىرمىز. سونداي-اق قايماق پەن مايعا دا سۇرانىس جوعارى. بۇل بايقاۋعا ءبىز العاش رەت شاقىرتۋ الدىق, – دەدى جوعارعى ءۇبى اۋىلىنان كەلگەن «UTEX» جشس فيرماسىنىڭ وكىلى وكسانا بلينوۆا.
«قازاقستاننىڭ ۇزدىك تاۋارى 2022» وڭىرلىك بايقاۋىندا بىرقاتار قاتىسۋشى بەلگىلى اتالىمدار بويىنشا جەڭىمپاز اتاندى. اتاپ ايتساق, «وندىرىستىك ماقساتتاعى ۇزدىك تاۋارلار» اتالىمىنا «SP Jet» جشس, «MSK Group kz» جشس جانە «كازەلەكتروماش» جشس جەڭىمپاز اتاندى. «حالىققا ارنالعان ۇزدىك تاۋارلار» اتالىمىندا «كەرەمەت» جشس, «تەررا ۆيتا» جشس, «روزا كيىز باسۋ كومبيناتى» جشس ۇزدىكتەر قاتارىنان كورىندى. «ۇزدىك ازىق-ت ۇلىك تاۋارلارى» اتالىمىنا «Arnna Minerals» جشس, «باگراتيون ۇلان» جشس جانە «بۇقتىرما ۋىلدىرىق شاشۋ-ءوسىرۋ شارۋاشىلىعى» يە بولدى.
بۇل ەرەكشە بايقاۋ جارمەڭكە فورماتىندا ءوتتى. قالا تۇرعىندارى, قوناقتارى ءوڭىردىڭ ۇزدىك وندىرۋشىلەرىنىڭ ونىمدەرىمەن تانىسىپ, كەرەگىن ساتىپ الىپ جاتتى. ولاردى ساتىپ الا الدى.
شىعىس قازاقستان وبلىسى
