ماڭىزدى قۇجاتقا جۇمىس بەرۋشى تاراپ پەن «التىنالماس اك» اق جۇمىسكەرلەرىنەن سايلانعان وكىلدىك ورگانى, «كاسىپقورعان» تاۋ-كەن مەتاللۋرگيا كاسىپورىندارى جانە ساباقتاس سالالار قىزمەتكەرلەرىنىڭ ونەركاسىپتىك كاسىپوداعى, «قازپروفمەتالل» سالالىق تاۋ-كەن مەتاللۋرگيا كاسىپوداعى اتىنان جۇمىسكەرلەردىڭ وكىلدەرى قول قويدى.
ۇجىمدىق شارت كومپانيا قىزمەتكەرلەرىنىڭ الەۋمەتتىك كەپىلدىكتەرىن جاقسارتۋعا باعىتتالعان. شارتتا قوسىمشا جانە الەۋمەتتىك دەمالىستار, وتەماقىلار مەن ىنتالاندىرۋ تولەمدەرى, سالالىق ناگرادالارمەن ماراپاتتالعاندارعا سىياقى بەرۋ مۇمكىندىگى قاراستىرىلعان. سونىمەن بىرگە الەۋمەتتىك تولەمدەر, سانيتارلىق-كۋرورتتىق ەمدەلۋ مۇمكىندىگى سەكىلدى ەڭبەككەرلەرگە ءتيىمدى جاعدايلار كوزدەلىپ وتىر.
– ءبىزدىڭ كومپانيا ايتارلىقتاي ءوسىپ, ۇجىمدىق شارتقا قول قويۋ ارقىلى الەۋمەتتىك سەرىكتەستىك ورناتۋدا ماڭىزدى تابىسقا قول جەتكىزدى. قۇجات ازىرلەۋ جۇمىسى ۇزاق ۋاقىت زەردەلەنىپ, تاراپتاردىڭ پىكىرلەرى ەسكەرىلدى, باسقا كومپانيالاردىڭ الەۋمەتتىك جەڭىلدىكتەر سالاسىنداعى ۇزدىك تاجىريبەلەرى زەرتتەلدى. الەۋمەتتىك جەڭىلدىكتەردىڭ 80 پايىزى جۇمىس بەرۋشىنىڭ ىشكى اكتىسىنە سايكەس «التىنالماس» قىزمەتكەرلەرىنە بۇرىننان بەرىلىپ كەلگەن. مەن ۇجىمدىق شارت اياسىنداعى الەۋمەتتىك كەپىلدىكتەردىڭ جاقسارۋى ەڭبەك قاتىناستارىن نىعايتۋعا وڭ ىقپالىن تيگىزەتىنىنە جانە ءوزارا ءتيىمدى ىنتىماقتاستىقتى ىنتالاندىراتىنىنا سەنىمدىمىن, – دەيدى كومپانيانىڭ پەرسونالدى باسقارۋ جونىندەگى باس اتقارۋشى ديرەكتورى ءارى باسقارما مۇشەسى ماقپال ءنۇسىپوۆا.
«التىنالماس» ۇجىمدىق شارتى – سالاداعى ۇزدىك باستامالاردىڭ ءبىرى. كاسىپوداق وكىلدەرى قۇجاتقا وسىنداي جوعارى باعا بەرىپ وتىر. سەبەبى وندا الەۋمەتتىك سەرىكتەستىكتى دامىتۋ مەن جۇمىسشىلار مۇددەسىن قورعاۋدى كوزدەيتىن ماڭىزدى جايتتار مۇقيات ەسكەرىلگەن.
«كاسىپقورعان» كاسىپوداعىنىڭ فيليالى – سەرۆيستىك ءوندىرىس كەشەنىنىڭ توراعاسى جىبەك وماروۆا: «ۇجىمدىق شارت تارماقتارىن تالقىلاۋ كەزىندە كوپتەگەن ماسەلە بويىنشا قىزۋ پىكىرتالاس ءوربىدى. ءبىز ءۇشىن ىمىراعا كەلۋ جانە بارلىق تاراپتىڭ مۇددەلەرىن ەسكەرۋ اسا ماڭىزدى. قابىلدانعان ۇجىمدىق شارت – ۋاقىت پەن زاڭناما تالاپتارىنا ساي نەگىزدەلگەن وڭ باستاما», دەپ اتاپ ءوتتى.
جۇمىس ۇجىمدارىنداعى ساباقتاستىق, الەۋمەتتىك جاۋاپكەرشىلىك, ينكليۋزيۆتىلىك – «التىنالماس» كومپانياسى باسشىلىققا الاتىن ESG كۇن ءتارتىبىنىڭ ماڭىزدى قاعيداتتارى.
ۇجىمدىق شارتتا ەرەكشە اتاپ وتۋگە لايىق ماڭىزدى اسپەكتىلەردىڭ تاعى ءبىرى – سالاداعى الەۋمەتتىك ارىپتەستىكتى دامىتۋ بويىنشا جۇمىس بەرۋشى مەن كاسىپوداقتاردىڭ بىرلەسكەن كۇش-جىگەرىن ارتتىرۋ كوزدەلگەندىگى.
