وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, بيىلعى 8 شىلدەدەگى جاعداي بويىنشا قارۋدى ءوز ەركىمەن تاپسىرۋ تۋرالى نيەت بىلدىرگەن تۇرعىنداردان 70 ءوتىنىش تۇسكەن, تىركەلمەگەن 75 قارۋ قابىلداندى. تۇرعىندار 57 تەگىس ۇڭعىلى قارۋ, 16 ويىق ۇڭعىلى قارۋ جانە ويىق ۇڭعىلى قارۋعا 8 287 پاترون تاپسىرعان.
«پاۆلودار قالاسىنىڭ تۇرعىنى ءوز ەركىمەن 16-كاليبرلى «يج-ك» ماركالى ءبىر ۇڭعىلى مىلتىق, پاۆلودار اۋدانىنىڭ تۇرعىنى مارقۇم اكەسىنەن قالعان 1 تەگىس ۇڭعىلى, «يج-18», 16-كاليبرلى اڭشىلىق مىلتىق اكەلدى. تولەمنىڭ بولجالدى سوماسى – 64 323 تەڭگە. بۇگىنگى تاڭدا شامامەن 5 ملن 876 مىڭ 389 تەڭگە سوماعا قارۋ تاپسىرىلدى», دەدى ايماقتاعى پد اكىمشىلىك پوليتسيا باسقارماسىنىڭ باستىعى بوريس الىمباەۆ.
ءوڭىر پوليتسەيلەرى تىركەلمەگەن اتىس قارۋىن, وق-دارىلەردى جانە جارىلعىش زاتتاردى ءوز ەرىكتەرىمەن تاپسىرعان ازاماتتار قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ەسكە سالادى.
ايانا توعانبەك
