سولاردىڭ ءبىرى – «نۇرلى جول» مەملەكەتتىك باعدارلاماسىمەن رەسپۋبليكالىق بيۋدجەتتەن بولىنگەن قارجىعا الەۋمەتتىك وسال توپتاعى ازاماتتار ءۇشىن سالىنىپ جاتقان كوپقاباتتى كوممۋنالدىق تۇرعىن ۇيلەر. مەردىگەرلەر مەن الەۋمەتتىك نىساندار قۇرىلىسىنا جاۋاپتى جەرگىلىكتى مەكەمە باسشىلارى دەپۋتاتتارعا نىساندار قۇرىلىسى بارىسى مەن تۋىنداعان كەدەرگىلەردى باياندادى.
اقتوبە قالاسىنداعى «نۇر-اقتوبە» شاعىن اۋدانىندا توعىز قاباتتى بەس كوپ پاتەرلىك تۇرعىن ءۇي قۇرىلىسى ءجۇرىپ جاتىر. مۇندا ەكى جانە ءۇش بولمەلى 1425 پاتەر بار. قازىر وسى ۇيلەردىڭ قۇرىلىسى اياقتالۋعا جاقىن, پاتەرلەردىڭ ىشكى ارلەۋ جۇمىستارى باستالعان. بەس ءۇيدىڭ باس مەردىگەرى «اقتوبە ساۋلەت»» جشس ديرەكتورى ازامات جانگەرەەۆ بىلتىر باستالعان قۇرىلىستىڭ وسى كەزگە دەيىن ىركىلىسسىز ءجۇرىپ جاتقانىن, ەندى ءبىر ايدان كەيىن ەكى ءۇيدى تاپسىرۋعا دايىن ەكەندىگىن مالىمدەدى. سەرىكتەستىك ديرەكتورى قۇرىلىس ماتەريالدارىنىڭ قىمباتتاۋىنان قيىندىق كورىپ وتىرعانىن جاسىرمادى.
«بيىل جىل سوڭىنا دەيىن 25 مىڭ شارشى مەتر تۇرعىن ءۇيدى تاپسىرامىز دەپ وتىرمىز. الايدا قۇرىلىس ماتەريالدارىنىڭ باعاسى ۇشىپ تۇر, سونىڭ ىشىندە سىرتتان تاسىمالداناتىن ارلەۋشى ماتەريالداردىڭ باعاسى بىلتىرعىمەن سالىcتىرعاندا ەكى ەسە قىمباتتادى. قازىرگى نارىقتا وسى قۇرىلىستاردىڭ جوبالاۋ-سمەتالىق قۇجاتتارىندا كورسەتىلگەن باعا جوق. سول سەبەپتى ءماجىلىس دەپۋتاتتارىنان رەسپۋبليكادان قوسىمشا قارجى بولۋگە كومەكتەسۋدى سۇراپ وتىرمىز», دەدى ا.جانگەرەەۆ.
وتكەن جىلدارى اقتوبە وبلىسى بويىنشا مەملەكەتتىك باعدارلامامەن سالىنعان 300-دەن استام ءبىر بولمەلى پاتەرلەر ءالى كۇنگە دەيىن بوس تۇر. ويتكەنى ءۇي كەزەگىنە تۇرعاندار تاراپىنان ءبىر بولمەلى ۇيلەرگە سۇرانىس بولمادى. سوندىقتان دا جىل باسىندا 530 ءبىر بولمەلى پاتەردىڭ قارجىسى مەملەكەتتىك باعدارلاما بويىنشا سالىناتىن كوپقاباتتى پانەلدى ۇيلەردەگى ەكى-ءۇش بولمەلى پاتەر قۇرىلىسىنا قايتا بولىنگەن ەدى.
ايتا كەتۋ كەرەك, وبلىس بويىنشا وسى جىلدىڭ سوڭىنا دەيىن 1 ميلليون 200 مىڭ شارشى مەتر تۇرعىن ءۇي پايدالانۋعا بەرىلەدى. سونىمەن قاتار وڭىرىمىزدە 14 مەكتەپ قۇرىلىسى ءجۇرىپ جاتىر.
اقتوبە وبلىسى
