ۇيىمداستىرۋشىلاردىڭ ايتۋىنشا, شاعىن جانە ورتا بيزنەستى قولداۋ ماقساتىندا ءوتىپ جاتقان ءداستۇرلى شارا كاسىپكەرلەردىڭ ءوزارا تاجىريبە الماسۋىنا, سونداي-اق ساۋدا كەڭىستىگى مەن قىزمەت كورسەتۋ اياسىن كەڭەيتۋىنە مۇمكىندىك بەرەدى. سونىمەن قاتار اتالعان بيزنەس جارمەڭكە ايماقارالىق بايلانىستاردى نىعايتۋعا جول اشادى.
– بۇگىنگى بيزنەس-جارمەڭكەنىڭ ەڭ باستى ماقساتى – كاسىپكەرلەرگە ءوز ونىمدەرىن كوپشىلىككە جان-جاقتى تانىستىرىپ, تۋراسىن ايتقاندا ناسيحاتتاۋعا مۇمكىندىك بەرۋ. ءىس-شاراعا قاتىسۋشىلار ءبىر-بىرىمەن تانىسىپ, ورتاق جوبالار شىعارسا دەيمىز. سونىمەن قاتار مۇندا مەملەكەتتىك قولداۋ تەتىكتەرىن ىسكە اسىراتىن قارجى ۇيىمدارى مەن ءتيىستى مەكەمەلەردى دە شاقىرىپ وتىرمىز, – دەيدى ءىس-شارانى ۇيىمداستىرۋشى «جاس اتامەكەن» كلۋبىنىڭ جەتەكشىسى زارينا كوكجانوۆا.
جارمەڭكە بارىسىندا تاۋەلسىز قازىلار القاسى ء«وندىرىس», «ساۋدا», «قولونەر», «قىزمەت كورسەتۋ» جانە «تاعام ءوندىرىسى» باعىتتارى بويىنشا 5 جەڭىمپازدى انىقتادى. سونىمەن قاتار شارانى تاماشالاۋعا كەلگەن قالا تۇرعىندارىنىڭ داۋىس بەرۋى ارقىلى «حالىق تاڭداۋىنا» يە بولعان جەڭىمپاز انىقتالدى.
قوستاناي وبلىسى
