وقيعا 9 شىلدە كۇنى ساعات 18.15 شاماسىندا «قاراعاندى-قارقارالى» اۆتوجولىنىڭ 34-ءشى شاقىرىمىندا بولعان.
بەلگىلى بولعانداي, «اۋدي 80» اۆتوكولىگىنىڭ 56 جاستاعى جۇرگىزۋشىسى ءرۋلدى باسقارا الماي, كولىك جول شەتىنە شىعىپ كەتىپ, سۋعا باتقان.
«جول اپاتى سالدارىنان 70 جانە 56 جاستاعى جولاۋشىلار وقيعا ورنىندا كوز جۇمدى. كولىك جۇرگىزۋشىسى مەديتسينالىق مەكەمەگە جەتكىزىلدى. فاكت پوليتسيادا تىركەلىپ, ءتيىستى ساراپتاما تاعايىندالدى, ونىڭ ناتيجەسى بويىنشا پروتسەسسۋالدىق شەشىم قابىلدانادى», - دەپ حابارلادى قاراعاندى وبلىسى پد ءباسپاسوز قىزمەتى.
ايتا كەتۋ كەرەك, ءوتىپ بارا جاتقان جۇرگىزۋشىلەر جولاۋشىلاردى قۇتقارۋعا تىرىسقان.
ارقاننىڭ كومەگىمەن بىرنەشە ادام كولىكتى سۋدان شىعارۋعا ارەكەت ەتكەن. الايدا ەكى جولاۋشىنى قۇتقارۋ مۇمكىن بولمادى.
