قازاقستاندىق تەننيسشى «ۇلكەن دۋلىعا» جارىسىنىڭ جەڭىمپازى اتانعان كەزدە ايرىقشا سەزىمگە بولەنگەنىن جەتكىزدى.
«ۇلكەن راحمەت! ماتچقا دەيىن دە, ونىڭ بارىسى دا ماعان وڭايعا تيگەن جوق. قارسىلاسىما تاماشا باسەكە ءۇشىن العىسىمدى ايتامىن. جانكۇيەرلەرگە راحمەت. ولاردىڭ الدىندا ويناۋ مەن ءۇشىن ۇلكەن قۇرمەت ەدى. مەن جارىستى ەكى اپتا بويى جالعاستىرامىن دەپ ويلاعانىم جوق. ال جەڭىمپاز بولۋ ءتىپتى عاجاپ! ءوزىمنىڭ كومانداما راحمەت, ول بولماسا, بۇل جەردە مەن تۇرماس ەدىم. مەنى قولداۋعا ارنايى كەلگەن قازاقستان تەننيس فەدەراتسياسىنىڭ پرەزيدەنتى بولات جاميت ۇلى وتەمۇراتوۆقا ريزاشىلىعىمدى بىلدىرەمىن. اتا-انام ۇيدەن قولدادى, بارىنە راحمەت!», دەدى ە.رىباكينا.
قازاقستاندىق تەننيسشى 2011 جىلعى ۋيمبلدوننان بەرى ەڭ جاس جەڭىمپاز اتاعىنا يە بولدى. 2011 جىلى چەحيالىق پەترا كۆيتوۆا 21 جاسىندا جەڭىس تۇعىرىنا كوتەرىلگەن ەدى.
ە.رىباكينا چەمپيون بولۋ ارقىلى ءوزىنىڭ تابىس قورىن دا مولايتتى. ول ۇلىبريتانيا اشىق بىرىنشىلىگى قورىتىندىسىندا 4 ملن 333 مىڭ ستەرلينگ (2,5 ميللياردتاي تەڭگە) تابىس تاپتى.
