6 شىلدە كۇنى سىرداريا اۋدانى بەسارىق اۋىلى پوتحوز ەلدى مەكەنىنەن جاڭاداريا وزەنى جاعاسى دالالىق ايماعىنان قالىڭ شەڭگەل اراسىنان 357 ءتۇپ سورا وسىمدىگى انىقتالدى. وقيعا باسىنان زاتتاي دالەلدەمە رەتىندە پالاتكا, گاز باللون, پليتا, 20 ليترلىك قۇتى, شەلەك, بوشكە, 35 مەترلىك شلانگا, كورپە-توسەكتەر, ءبىر اككۋمۋلياتور, 25 مەترلىك ۇزارتقىش, ىدىس اياقتار الىندى.
سوت ساراپتاماسىنىڭ قورىتىندىسىنا سايكەس, الىنعان وسىمدىكتەردىڭ جالپى سالماعى 21 كەلىگە جۋىق سورا بولىپ شىقتى.
بۇل دەرەك بويىنشا قازاقستان رەسپۋبليكاسى قىلمىستىق كودەكسىنىڭ 300-بابىنىڭ 2-بولىگىمەن سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە. وقيعانىڭ ءمان – جايلارى انىقتالۋدا.
ايانا توعانبەك
