ۇكىمەت باسشىسى 2022 جىلدىڭ سوڭىندا ىسكە قوسىلۋى ءتيىس «KamaTyresKZ» جشس جاڭا شينا زاۋىتىنىڭ قۇرىلىس الاڭىنا باردى.
كاسىپورىن جوسپارلى قۋاتتىلىققا شىققاننان كەيىن ءونىم, سونىڭ ىشىندە اۆتوموبيلدەردىڭ باستاپقى كومپلەكتاتسياسى ءۇشىن قازاقستان نارىعىنا, سونداي-اق ەاەو ەلدەرىنە جەتكىزىلەدى دەپ كۇتىلۋدە.
ءاليحان سمايىلوۆ كاسىپورىننىڭ ساباقتاس وندىرىستەرىن لوكاليزاتسيالاۋدى ارتتىرۋ جانە ارنايى ازىرلەنگەن ءبىلىم بەرۋ باعدارلامالارى نەگىزىندە كادرلار دايارلاۋدى جالعاستىرۋ قاجەتتىگىن اتاپ ءوتتى.
سونىمەن قاتار وبلىس اكىمى جەڭىس قاسىمبەك پرەمەر-ءمينيستردى Saran يندۋستريالىق ايماعىنىڭ ينفراقۇرىلىمىن دامىتۋ تۋرالى حاباردار ەتتى.
«كوپ جىلعى ۇزىلىستەن كەيىن قالانى دامىتۋ درايۆەرلەرىنىڭ ءبىرى جانە ءوسۋدىڭ پەرسپەكتيۆالىق نۇكتەسى Saran يندۋستريالىق ايماعىن قۇرۋ بولدى. بۇل جەرگىلىكتى تۇرعىندار ءۇشىن ماڭىزدى, ولار مۇنداي جوبالاردىڭ ىسكە قوسىلۋى قالاداعى ءومىر ءسۇرۋ ساپاسىن قالاي وزگەرتەتىنىن ناقتى كورۋى ءتيىس», دەدى ۇكىمەت باسشىسى.
سودان كەيىن ءاليحان سمايىلوۆ جىلىنا 1200 بىرلىك اۆتوبۋس شىعاراتىن «Qazتehna» جشس زاۋىتىنا باردى.
بۇگىندە كاسىپورىندا مەكتەپ اۆتوبۋستارىن شىعارۋ جولعا قويىلعان, ولار جاڭا وقۋ جىلىنا قاراي قازاقستاننىڭ توعىز وبلىسىنا بەرىلەدى. سونىمەن قاتار جىل سوڭىنا دەيىن قوعامدىق تاسىمالداۋ ءۇشىن دە اۆتوبۋستار شىعارۋ جوسپارلانعان.
«Qazتehna» زاۋىتى الەمدىك ماشينا جاساۋدىڭ ءىرى وكىلدەرىمەن ونەركاسىپتىك كووپەراتسيا بۇكىل قالانى قالپىنا كەلتىرۋگە وڭ ىقپال ەتە الاتىندىعىنا مىسال بولا الادى. ۇكىمەت وتاندىق اۆتوموبيل جاساۋ كاسىپورىندارىن ودان ءارى كەشەندى تۇردە قولدايتىن بولادى», دەدى ءاليحان سمايىلوۆ.
سونداي-اق پرەمەر-مينيسترگە يمپورتتى الماستىرۋ باعدارلاماسىن ىسكە اسىرۋ شەڭبەرىندە ىسكە قوسۋىلۋى ءتيىس «Meridian Company» جشس بولاشاق تۇرمىستىق تەحنيكا زاۋىتىنىڭ جوباسى تانىستىرىلدى.
بۇدان ءارى ءاليحان سمايىلوۆ جىل سوڭىنا دەيىن پايدالانۋعا بەرۋ جوسپارلانىپ وتىرعان رتي (رەزەڭكە تەحنيكالىق بۇيىمدار) شاعىناۋدانىنداعى كوپقاباتتى ۇيلەردى قالپىنا كەلتىرۋ بارىسىمەن تانىستى.
جالپى ساران قالاسىندا تۇرعىن ءۇي قۇرىلىسىنىڭ قارقىنى سوڭعى ءۇش جىلدىق كەزەڭدە 260%-عا ۇلعايدى. 2022 جىلى تاعى 250 پاتەر پايدالانۋعا بەرىلەدى دەپ كۇتىلۋدە.
«اكىمدىك تۇرعىن ءۇيدى ىسكە قوسۋ قارقىنىن ودان ءارى ۇلعايتۋى, سونداي-اق قالانى اباتتاندىرۋمەن بەلسەندى اينالىسۋى قاجەت», دەدى پرەمەر-مينيستر.
ايانا توعانبەك
