«ەرەكشە قورعالاتىن تابيعي اۋماقتاردا جانە بەلگىلەنبەگەن جەردە وت جاققانى ءۇشىن ورمان شارۋاشىلىعى مەكەمەلەرىنىڭ قىزمەتكەرلەرى «اكىمشىلىك قۇقىق بۇزۋشىلىق تۋرالى» كودەكستىڭ 367-بابى بويىنشا اكىمشىلىك ايىپپۇل سالۋعا ۋاكىلەتتى ەكەنىن اتاپ وتكىم كەلەدى, جەكە تۇلعالارعا سالىناتىن ايىپپۇل سوماسى - 10-نان 100 اەك-كە دەيىن, ال بۇل 30 630 تەڭگەدەن 306 300 تەڭگەگە دەيىن», دەدى رۋسلان قاسىمباەۆ.
سپيكەردىڭ سوزىنشە, توتەنشە جاعدايلار دەپارتامەنتى, پوليتسيا باسقارماسى مەن ىلە الاتاۋ پاركىنىڭ قىزمەتكەرلەرى 95 رەيد جۇرگىزگەن. ناتيجيەسىندە 45 ءورتتىڭ الدىن الىپ, 45 ءتارتىپ بۇزۋشىنى اكىمشىلىك جاۋاپقا تارتتى.
الماتى قالاسى توتەنشە جاعدايلار دەپارتامەنتىنىڭ باسشىسى قالا تۇرعىندارى مەن قوناقتارىنا تاۋلى ورمان القابىنداعى ءورت قاۋىپسىزدىگى ەرەجەلەرىن ەسكە سالدى.
ء«بىرىنشى كەزەكتە ءورت شىعۋى مۇمكىن قوقىستاردى شىعارۋ قاجەت. سونداي-اق قاتاڭ بەلگىلەنگەن ورىنداردان تىس جانىپ تۇرعان سىرىڭكە, تەمەكى قالدىعىن لاقتىرۋعا, قۇرعاق شوپتەردى جاعۋعا, وت جاعۋعا جانە باربەكيۋ قۇرالدارىن پايدالانۋعا تىيىم سالىنادى», دەدى ول.
دەمالۋشىلارعا اقپارات, ىلە-الاتاۋ ۇلتتىق ساياباعىندا ىستىق تاماق پىسىرۋگە ارنالعان ارنايى جابدىقتالعان 14 ورىن (ورىندىق, ۇستەل, وت جاعۋعا ارنالعان بەتوندالعان الاڭ, باربەكيۋ), المااراسان شاتقالىنىڭ اۋماعىندا – 12 ورىن بار. ۇلكەن الماتى, كازاچكا وزەندەرىندە جانە بۋتاكوۆكادا 2 ورىن بەلگىلەنگەن.
