مۇنداعى جاساندى كولدىڭ سىيىمدىلىعى - 100 مىڭ تەكشە مەترگە جۋىق. تەرەڭدىگى – 4 مەتر.
مۇندا قايىقپەن سەرۋەندەۋگە, سۋ سپورتىمەن شۇعىلدانۋعا مۇمكىندىك بار. جالپى ساياباقتىڭ كوگالداندىرىلعان اۋماعىنىڭ كولەمى – 25 گەكتارعا جۋىق, 3500 شارشى مەترگە گۇل ەگىلگەن. اللەيا, سۋبۇرقاقتارى مەن بالالار ويىن الاڭشالارى, ورىندىقتارى مەن جۇگىرۋ جانە ۆەلوجولى بار.
سونىمەن بىرگە جاڭا ساياباقتا 7 مىڭنان استام اعاش, 43 مىڭ تۇپتەن استام گۇل ەگىلگەن. الەمنىڭ بىرنەشە مەملەكەتىنەن ەلىمىزدە سيرەك كەزدەسەتىن اعاش تۇرلەرى اكەلىنگەن. جارىقشامدار ورناتىلعان. الداعى ۋاقىتتا ساياباقتا كاسىپكەرلىكتى دامىتۋ, حالىقتىڭ ءال-اۋقاتىن ارتتىرۋعا باعىتتالعان ءبىرشاما جوبالار جۇزەگە اسپاق.
ساياباقتىڭ اشىلۋىنا وراي «تۇركىستان مارجاندارى» مەرەكەلىك كەشى ۇيىمداستىرىلدى. تۇركىستاننىڭ جاڭا تۋريستىك ورنىنا ارنايى كەلگەن تۇرعىندار مەن قوناقتارعا تۇركىستان قالالىق مادەنيەت ءۇيىنىڭ ونەرپازدارى كونتسەرتتىك باعدارلاماسىن ۇسىندى. كەش سوڭى جالپىحالىقتىق سەرۋەنگە ۇلاستى.
