كوروناۆيرۋس • 07 شىلدە، 2022

كوروناۆيرۋس قايتا كۇشەيدى

88 رەت كورسەتىلدى

ءبىراز ۋاقىت تىنىشتالىپ قالعان كوروناۆيرۋس قايتادان كۇشىنە مىنە باس­تاعانداي. كەيىنگى كەزدە ۆيرۋس جۇقتىرعاندار سانى كۇرت ارتتى. وسىعان باي­لانىستى تۋريستىك ورىندار كارانتين تالاپتارىن قايتا كۇشەيتۋگە كىرىستى.

ماسەلەن، ەۋروپاعا كەلگەن­دەرگە ىن­دەت­­تىڭ سالدارىنان قا­بىل­دانۋى ىقتي­مال كارانتيندىك شەك­تەۋلەر دەمالىس­تارىنا، ساپارىنا كەدەرگى كەلتىرۋى مۇمكىن ەكەنى ەسكەرتىلمەك. كەيبىر ەلدىڭ دەنساۋلىق ساقتاۋ مەكەمەلە­رى ادام كوپ جينالاتىن ورىنداردا ماسكا تاعۋدى، سونداي-اق باسقا دا شەك­تەۋ شارالارىن قايتا ەن­گىزۋگە شاقىردى.

اتاپ ايتقاندا، تۋريستەر كوپ باراتىن ەلدەردە – گرەكيادا، يسپانيادا، فرانتسيادا، گەرما­نيا­دا ۆيرۋس جۇق­تىرعاندار سانى كۇن ساناپ كوبەيىپ كەلەدى. ودان قالا بەردى، ماروككو، تۋنيس، كاريب تەڭىزى ارالدارى سەكىلدى جيھانكەزدەردى قىزىقتىراتىن وڭىر­لەردە دە ىندەت قايتا كۇشىنە ءمىندى.

گرەكيادا 18 بەن 24 جاس ارا­لى­­عىنداعى تۇرعىندار اراسىندا ناۋ­قاس­تانعاندار وتە كوپ. دەن­ساۋلىق ساق­تاۋ مينيسترلىگىنىڭ حابارلاۋىنشا، جاڭا جاعدايلار تانىمال تۋريستىك ايماق­تاردا شوعىرلانعان. وتكەن اپتادا ءبىر تاۋ­لىكتە 12 مىڭعا جۋىق ينفەكتسيا جۇق­تىرعان ادام تىركەلدى. بۇل الدىڭعى اپتا­مەن سالىستىرعاندا شامامەن ءۇش ەسەگە كوپ.

اسىرەسە يون تەڭىزىندەگى كور­فۋ، تسەفالونيا جانە زاكين­توس ارال­دا­رىندا دەرتكە شال­دىققاندار كو­بەيگەن. كريت، اتتيكا ايماعى، ونىڭ ىشىن­دە گرەكيا استاناسى افينا، وڭ­تۇس­تىك ەگەي، ميكونوس جانە پاروس سەكىل­دى ارالدار، سونىمەن قاتار رودوس پەن كوس ارالدارى دا قاۋىپ­تى دەڭگەيدە قالىپ وتىر.

گرەكيا مامىر ايىندا كو­روناۆيرۋسقا قارسى قابىلدان­عان شارالاردان باس تارتقان. دەگەنمەن، قوعامدىق جابىق ورىن­داردا، سونىڭ ىشىندە اۋرۋحانا­لاردا، قوعامدىق كولىكتەردە جانە كرۋيزدىك كەمەلەردە بەتپەردە كيۋ ءالى دە مىندەتتى.

ساراپشىلار دەرتكە شال­دىق­قان­دار سانى الدەقايدا كوپ بولۋى مۇم­كىن ەكەنىن ايتىپ وتىر. ويتكەنى تۇر­عىندار بۇ­رىن­عىداي ەمەس، تەست تاپسىرۋعا قۇ­لىق­تى ەمەس. سوندىقتان ۆيرۋس جۇقتىر­عاندار ونى بىلمەي جۇرە بەرۋى مۇمكىن.

يسپانيادا اۋىرعاندار سانى وت­كەن ايمەن سالىستىرعاندا 60 پايىزعا وسكەن. بىراق جىل با­سىنداعى جاعدايعا ءالى جەتە قوي­عان جوق. مايوركا، يبيتسا، مەنوركا جانە فورمەنتەرا ارالدارىن­دا ناۋقاستار كوبەيگەن. بۇل ماڭدا «وميك­­­رون» شتامىنىڭ BA.5 نۇسقاسى كەڭ تا­­رالعان. وسىعان بايلانىستى دارى­گەر­­لەر جاعداي ۋىستان شىعىپ كەتۋى مۇم­­­كىن ەكە­نىن ايتىپ دابىل قاعىپ جاتىر.

فرانتسيادا ەكى اپتادان استام ۋاقىت ىشىندە ناۋقاستار سانى 80 پايىزعا وسكەن. بىراق شەكتەۋلەردى قايتا ەنگىزۋ جوسپارىن حالىق قولدامايدى. تاياۋدا عانا ماسكا تاعۋ مىندەتتەمەسى الى­نىپ تاستالعان-دى. دەنساۋلىق ساق­تاۋ ءمينيسترى بريجيت بۋرگينون حالىق­تىڭ قوعامدىق كولىكتە جانە باسقا ادامدار كوپ جينالاتىن جەرلەردە بەتپەردە تاعاۋدى ۇسىندى.

سونداي-اق يتاليادا، پور­تۋگا­ليادا دا ىندەت قايتا ءورشىپ كەلەدى. وسى­عان بايلانىستى اتالعان ەلدەر­دىڭ دەن­ساۋلىق ساقتاۋ سالاسى ماماندارى ەرتەرەك قام­دانۋ قاجەت ەكەنىن ايتادى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار